પેટ્રોલના ભાવમાં ફરીથી વધારો, મોંઘા તેલના મારથી હાહાકાર

તેલના ભાવો માટે થઈ રહેલા હાહાકાર બાદ પણ સામાન્ય જનતાને રાહત મળતી દેખાતી નથી. તેલના ભાવોમાં શનિવારે પણ વધારો થયો છે. દિલ્હીમાં આજે પેટ્રોલ 12 પૈસા વધીને 82.44 રૂપિયા પ્રતિ લિટર વેચાઈ રહ્યુ છે. વળી, ડીઝલના ભાવ 73.87 રૂપિયા લિટર છે. મુંબઈમાં આજે પેટ્રોલ 89.80 રૂપિયા પ્રતિ લિટર અને ડીઝલ 78.42 રૂપિયા પ્રતિ લિટર છે. શનિવારે ડીઝલના ભાવમાં કોઈ ફેરફાર કરવામાં આવ્યો નથી. અમદાવાદમાં આજે પેટ્રોલની કિંમત 11 પૈસાના વધારા સાથે 81.55 રૂપિયા અને ડીઝલની કિંમત 78.28 રૂપિયા છે.

ડીઝલના ભાવમાં ત્રણ દિવસથી ફેરફાર ન થવાના કારણે લોકોને આના માટે વધુ પૈસા તો નથી આપવા પડી રહ્યા પરંતુ મુંબઈમાં પેટ્રોલ 90 ની નજીક પહોંચી ગયુ છે. મુંબઈમાં પેટ્રોલ 89.80 રૂપિયા પ્રતિ લિટર વેચાઈ રહ્યુ છે. આના કારણે લોકોના ખિસ્સા ખાલી થઈ રહ્યા છે. તેલના ભાવોમાં રોજ થઈ રહેલા વધારાના કારણે લોકોની હાલત ખરાબ છે.

આ પહેલા શુક્રવારે પેટ્રોલના ભાવમાં 10 પૈસાનો વધારો નોંધવામાં આવ્યો હતો. ગુરુવારે 10 પૈસાના વધારા બાદ પેટ્રોલ 82.32 રૂપિયા પ્રતિ લિટર વેચાયુ. જો કે છેલ્લા 3 દિવસથી ડીઝલના ભાવમાં વધારો થયો નથી. શુક્રવારે મુંબઈમાં પેટ્રોલના ભાવની વાત કરીએ તો અહીં પેટ્રોલના ભાવ 89.69 રૂપિયા પ્રતિ લિટર અને ડીઝલ 78.42 રૂપિયા પ્રતિ લિટર રહ્યુ.

English summary

petrol and diesel prices in delhi and mumbai today