ખુશખબર: આજે મધરાતથી પેટ્રોલ 56 પૈસા સસ્તુ થશે

નવી દિલ્હી, 8 ઑક્ટોબર: મોંઘવારીના માર સહન કરી રહેલી સામાન્ય જનતા માટે થોડાં રાહત સમાચાર છે. આજે મોડી રાતથી પેટ્રોલના ભાવમાં ઘટાડો થઇ જશે. મોડી રાત બાદ પેટ્રોલના ભાવમાં પ્રતિ લિટરે 56 પૈસાનો ઘટાડો થશે. તાજેતરમાં પેટ્રોલના ભાવમાં વધારા થતાં સરકાર પર માછલાં ધોવાતાં હોવાથી કેન્દ્ર સરકારે આજે આ નિર્ણય કર્યો છે.

ઉલ્લેખનીય છે કે ડોલરના મુકાબલામાં રૂપિયાની મજબૂતીથી સાર્વજનિક ક્ષેત્રની કંપનીઓની આયાત પડતર ઓછી થઇ છે અને તે પેટ્રોલ પર નફાની સ્થિતીમાં આવી ગઇ હતી ત્યારબાદ પેટ્રોલ સસ્તુ થવાની અટકળો શરૂ થઇ હતી. હવે આવા સમયે એ પશ્ન થાય છે કે સરકારે પેટ્રોલની કિંમતોમાં 56 પૈસાનો ઘટાડો કયા હિસાબે કર્યો છે. લોકો ઘણો રોષ જોવા મળી રહ્યો છે. લોકોનું કહેવું છે કે વધારતી વખતે 4 રૂપિયા વધારવામાં આવે છે અને ઘટાડો કરતી વખતે ફક્ત 56 પૈસા.

English summary

Petrol price cut by 56 paise per litre with effect from midnight tonight.