અદાણી-વાઢેરાની મુલાકાતની તસવીર લીક, મચ્યો રાજકીય હોબાળો

Published: Saturday, April 12, 2014, 17:39 [IST]

નવી દિલ્હી/અમદાવાદ, 12 એપ્રિલ: કોંગ્રેસ અધ્યક્ષ સોનિયા ગાંધીના જમાઇ અને પ્રિયંકા ગાંધીના પતિ રોબર્ટ વાઢેરાની ગુજરાતના ઔદ્યોગિક ક્ષેત્રના પ્રમુખ ગૌતમ અદાણી સાથે મુલાકાતને લઇને કોંગ્રેસ એકવાર ફરી મુશ્કેલીમાં વધારો થતો દેખાઇ રહ્યો છે. ગુજરાતના એક અખબારમાં કંઇક આવી તસવીર પ્રકાશિત કરવામાં આવી છે, રોબર્ટ વાઢેરા અદાણી ગ્રુપના ચેરમેન ગૌતમ અદાણીની સાથે દેખાઇ રહ્યા છે. આ તસવીર ત્યારની છે, જ્યારે રોબર્ટ વાઢેરા અદાણી ગ્રુપના એરક્રાફ્ટથી અદાણીના પ્રોજેક્ટ જોવા માટે કચ્છ ગયા હતા. અત્રે ઉલ્લેખનીય છે કે ગયા દિવસોમાં કોંગ્રેસ અધ્યક્ષ રાહુલ ગાંધીએ ભાજપના પીએમ ઉમેદવાર નરેન્દ્ર મોદીને અદાણી ગ્રુપ સાથે સંબંધ હોવાને લઇને નિશાના પર લીધા હતા.

છાપામાં આ તસવીર છપાયા બાદ કોંગ્રેસ ખાસ કરીને રાહુલ ગાંધીની મુશ્કેલીમાં વધારો થયો છે. રોબર્ટ વાઢેરા અને ગૌતમ અદાણીની આ તસવીર વર્ષ 2009ની છે. તે સમયે વાઢેરા ગુજરાતના મૂંદડામાં અદાણી પોર્ટ અને અદાણી પાવર પ્લાંટને જોવા માટે આવ્યા હતા. વાઢેરા અને ગૌતમ અદાણી એક સાથે અદાણીના પ્રાઇવેટ એરક્રાફ્ટમાં જ ત્યાં જ પહોંચ્યા હતા. આ પહેલા કોંગ્રેસ પણ ઘણા અવસરે નરેન્દ્ર મોદી પર આરોપ લગાવી ચૂકી છે કે તેઓ અદાણી ગ્રુપના પ્લેનમાં મુસાફરી કરી છે.

અત્રે ઉલ્લેખનીય છે કે થોડા દિવસ પહેલા ઉદયપુરમાં આયોજિત એક રેલીમાં કોંગ્રેસ ઉપાધ્યક્ષ રાહુલ ગાંધીએ નરેન્દ્ર મોદી પર હુમલો કરતા જણાવ્યું હતું કે, 'ભાજપમાં અડવાણી બહાર અને અદાણી અંદર'. રાહુલ ગાંધીએ મોદી અને અદાણી ગ્રુપની નજીકના લોકો પ્રહાર કરતા જણાવ્યું હતું કે એક શખ્શને ગુજરાત સરકારે કરોડો એકર જમીન મફતમાં આપી દીધી. હવે જે તસવીરો સામે આવી છે, તેમાં રોબર્ટ વાઢેરા અને ગૌતમ અદાણી એક સાથે દેખાઇ રહ્યા છે. એક તસવીરમાં બંને બેસીને કંઇક વાતો કરતા દેખાઇ રહ્યા છે જ્યારે બીજી તસવીરમાં બંને ચાલતા દેખાઇ રહ્યા છે.

Published On April 12, 2014