Pics: સુનિતાએ કંઇક આ અંદાજમાં કર્યો તાજનો દીદાર

આગરા, 24 એપ્રિલ: વિશ્વભરમાં જાણીતી અને દેશની આશાસ્પદ દીકરી અવકાશ યાત્રી સુનિતા વિલિયમ્સે આજે પ્રેમના પ્રતીક એવા તાજમહેલની મુલાકાત લીધી હતી. સુનિતા વિલિયમ્સ પોતાના બહેનની સાથે તાજમહેલ જોવા માટે અત્રે આવી પહોંચ્યા હતા.

ગ્રીન ટોપ અને સફેદ કેપ્રી પહેરીને વિલિયમ્સે ગુરુવારે ઐતિહાસિક સ્મારક તાજમહેલને મન મૂકીને નિહાળ્યો હતો. આ સાથે તેમણે પોતાની આ યાત્રાની યાદો કેમેરામાં પણ કેદ કરી હતી.

અત્રે નોંધનીય છે કે સુનિતા વિલિયમ્સનો જન્મ 19 સપ્ટેમ્બર, 1965ના રોજ યુક્લિડ, ઓહાયોમાં થયો હતો. અમેરિકન અવકાશ એજન્સી નાસાના માધ્યમથી અવકાશમાં જનાર સુનિતા વિલિયમ્સ બીજી ભારતીય મહિલા છે. સુનિતા ભારતના ગુજરાતના અમદાવાદ સાથે ઇંટરકનેક્ટ છે. તેમણે એક મહિલા અવકાશ યાત્રી તરીકે 195 દિવસો સુધી અવકાશમાં રહેવાનો વિશ્વ વિક્રમ સ્થાપ્યો છે. ઉલ્લેખનીય છે કે સુનિતાના પિતા દીપક પંડ્યા અમેરિકામાં ડોક્ટર છે.

English summary

Renowned astronaut Sunita Williams, who spent a record 195 days in space, has visited the Taj Mahal with her sister.