અમેરિકામાં 5 ગ્લોબલ CEOથી મળશે પીએમ મોદી, જાણો શું થશે ફાયદો

વડાપ્રધાન નરેન્દ્ર મોદી આજે અમેરિકાના ટોચના પાંચ મુખ્ય કાર્યકારી અધિકારીઓ (CEO) સાથે બેઠક કરવાના છે. અમેરિકાની મુલાકાતે આવેલા પીએમ મોદીએ કહ્યું કે તેઓ સીઈઓ સાથેની બેઠક દરમિયાન ભારતમાં આર્થિક તકો પર પ્રકાશ પાડશે. વોશિંગ્ટન ડીસી પહોંચેલા પીએમ મોદી આગામી બે દિવસોમાં રાષ્ટ્રપતિ જો બિડેન, ઉપરાષ્ટ્રપતિ કમલા હેરિસ, ઓસ્ટ્રેલિયાના વડાપ્રધાન સ્કોટ મોરિસન અને જાપાનના પીએમ યોશીહિદે સુગાને મળશે. પીએમઓ તરફથી કરવામાં આવેલા એક ટ્વિટમાં કહેવામાં આવ્યું છે કે પીએમ મોદી ક્વાડ મીટિંગમાં ભાગ લેશે અને અગ્રણી સીઈઓ સાથે વાતચીત કરીને ભારતમાં આર્થિક તકોને ઉજાગર કરશે.

આ 5 વૈશ્વિક CEO ​​કોણ છે?

પીટીઆઈના અહેવાલ મુજબ પીએમ મોદીને મળનારા બે સીઈઓ ભારતીય અમેરિકન છે - એડોબના શાંતનુ નારાયણ અને જનરલ એટોમિક્સના વિવેક લાલ. અન્ય ત્રણ સીઇઓમાં ક્વાલકોમના ક્રિસ્ટિયાનો ઇ એમોન, ફર્સ્ટ સોલરના માર્ક વિડમર અને બ્લેકસ્ટોનના સ્ટીફન એ શ્વાર્ઝમેનનો સમાવેશ થાય છે.

PM મોદી-CEO સાથેની બેઠકનું મહત્વ

• પાંચ અલગ અલગ મુખ્ય ક્ષેત્રોના યુએસ સીઈઓ સાથે પીએમ મોદીની બેઠક તેમની સરકારની પ્રાથમિકતાઓને દર્શાવે છે. પીટીઆઈ દ્વારા અહેવાલ મુજબ, નારાયણ સાથેની મુલાકાત ભારત સરકાર જે આઈટી અને ડિજિટલ અગ્રતા પર ભાર મૂકે છે તે દર્શાવે છે.
• પીએમ મોદીની વિવેક લાલ સાથેની મુલાકાત મહત્વ ધરાવે છે કારણ કે જનરલ એટોમિક્સ માત્ર લશ્કરી ડ્રોન ટેકનોલોજીમાં જ અગ્રેસર નથી, પણ વિશ્વના અત્યાધુનિક લશ્કરી ડ્રોન ઉત્પાદક પણ છે, જે યુએસ માત્ર તેના મુખ્ય સાથીઓ અને ભાગીદારો સાથે વહેંચે છે. ભારત તેના સશસ્ત્ર દળોની ત્રણેય શાખાઓ માટે નોંધપાત્ર સંખ્યામાં ડ્રોન ખરીદવાની પ્રક્રિયામાં છે. પીટીઆઈના એક રિપોર્ટ અનુસાર, તેણે જનરલ એટોમિક્સ પાસેથી કેટલાક ડ્રોન પણ લીઝ પર લીધા છે.
• પીએમ મોદી સૌપ્રથમ ભારતીય સમય અનુસાર સાંજે 7:15 કલાકે ક્વાલકોમના સીઈઓ ક્રિસ્ટાનિયો આર એમોનને મળશે.આ બહુરાષ્ટ્રીય કંપની સેમિકન્ડક્ટર, સોફ્ટવેર, વાયરલેસ ટેકનોલોજી સેવાઓના વ્યવસાય સાથે સંકળાયેલી છે. ચીપ જાયન્ટ ક્રિસ્ટિયાનો એમોન સાથેની બેઠક 5 જી ટેકનોલોજીને સુરક્ષિત બનાવવા માટે ભારતના દબાણને ધ્યાનમાં રાખીને મહત્વ ધરાવે છે. ભારત ક્વાલકોમ પાસેથી મોટા રોકાણની શોધમાં છે.
• ભારત પોતાની ઉર્જા જરૂરિયાતોને પહોંચી વળવા માટે સૌર ઉર્જાના ઉપયોગમાં મોટા પગલા ભરી રહ્યું છે. આ સંદર્ભમાં, માર્ક વિડમાર સાથેની બેઠક મહત્વપૂર્ણ માનવામાં આવે છે. કારણ કે ફર્સ્ટ સોલર વ્યાપક ફોટોવોલ્ટેઇક ("પીવી") સોલર સોલ્યુશન્સનું અગ્રણી વૈશ્વિક પ્રદાતા છે. આ વર્ષની શરૂઆતમાં, એરિઝોના સ્થિત કંપની ફર્સ્ટ સોલરે 684 મિલિયન ડોલરના અંદાજિત ખર્ચે ભારતમાં 3.3 GW પ્લાન્ટ સ્થાપવાની યોજના જાહેર કરી હતી.
• સ્ટીફન એ. શ્વાર્ઝમેન બ્લેકસ્ટોનના ચેરમેન, સીઈઓ અને સહ-સ્થાપક છે. કંપની વિશ્વની અગ્રણી રોકાણ કંપનીઓમાંની એક છે જે પેન્શન ફંડ, મોટી સંસ્થાઓ અને વ્યક્તિઓ વતી મૂડીનું રોકાણ કરે છે. આ વર્ષે મે મહિનામાં, બ્લેકસ્ટોને વોરબર્ગ પિંકસ અને રિયલ એસ્ટેટ કંપની એમ્બેસી ગ્રુપ વચ્ચે સંયુક્ત સાહસ એમ્બેસી ઇન્ડસ્ટ્રીયલ પાર્ક ખરીદવાની જાહેરાત કરી હતી. એમ્બસી ઇન્ડસ્ટ્રીયલ પાર્કમાં વોરબર્ગ પિંકસ 70 ટકા અને એમ્બેસી ગ્રુપ 30 ટકા હિસ્સો ધરાવે છે. એમ્બેસી ઇન્ડસ્ટ્રીયલ પાર્કમાં 16 મિલિયન ચોરસ ફૂટ આધુનિક ગ્રેડ A લોજિસ્ટિક્સ અને શહેરોની નજીકમાં વેરહાઉસિંગ પ્રોપર્ટીઝ છે.

English summary

PM Modi will meet 5 global CEOs in America, find out what will be the benefit