PM મોદી રાત્રે ફરીથી પુતિન સાથે વાત કરશે, વિદ્યાર્થીઓના સ્થળાંતર વાતચીત થઈ શકે!
વડાપ્રધાન મોદી આજે રાત્રે ફરીથી રશિયાના રાષ્ટ્રપતિ વ્લાદિમીર પુતિન સાથે ફોન પર વાત કરે તેવી શક્યતા છે. એવું માનવામાં આવે છે કે આ વાતચીત યુક્રેનમાં ફસાયેલા ભારતીય વિદ્યાર્થીઓને સુરક્ષિત બહાર કાઢવા અંગે હશે.
નવી દિલ્હી, 2 માર્ચ : વડાપ્રધાન મોદી આજે રાત્રે ફરીથી રશિયાના રાષ્ટ્રપતિ વ્લાદિમીર પુતિન સાથે ફોન પર વાત કરે તેવી શક્યતા છે. એવું માનવામાં આવે છે કે આ વાતચીત યુક્રેનમાં ફસાયેલા ભારતીય વિદ્યાર્થીઓને સુરક્ષિત બહાર કાઢવા અંગે હશે.
વિદેશ મંત્રાલયના પ્રવક્તા અરિંદમ બાગચીને પૂછવામાં આવ્યું કે શું મોદી આજે રાત્રે ફરીથી રશિયન રાષ્ટ્રપતિ પુતિન સાથે વાતચીત કરવા જઈ રહ્યા છે? તેના જવાબમાં બાગચીએ કહ્યું કે વડાપ્રધાન મોદી સતત વિવિધ દેશોના નેતાઓ સાથે વાત કરી રહ્યા છે. જો આવી કોઈ વસ્તુ થશે તો અમે તમારી સાથે આ માહિતી શેર કરીશું. આ બાબતે અત્યારે કંઈપણ કહેવું યોગ્ય નથી.આપને જણાવી દઈએ કે પીએમ મોદી યુક્રેનની વિનંતી પર પુતિન સાથે વાત કરી ચૂક્યા છે. યુક્રેને પીએમ મોદીને રશિયન રાષ્ટ્રપતિ પુતિન સાથે વાત કરવા અને યુદ્ધ રોકવાનો પ્રયાસ કરવા વિનંતી કરી. યુક્રેનની વિનંતી પર પીએમએ પુતિન સાથે પણ વાત કરી હતી પરંતુ તેનો કોઈ ઉકેલ આવ્યો નહોતો.
વિદેશ મંત્રાલયના પ્રવક્તા અરિંદમ બાગચીએ બુધવારે કહ્યું કે યુક્રેન છોડીને જતા ભારતીયોની સંખ્યામાં તીવ્ર વધારો થયો છે. તેમણે કહ્યું કે અમારા અંદાજ મુજબ 17000 ભારતીય નાગરિકોએ એડવાઈઝરી જારી કર્યા બાદ યુક્રેન છોડી દીધું છે. તેમણે કહ્યું કે ઓપરેશન ગંગા હેઠળ છેલ્લા 24 કલાકમાં 6 ફ્લાઈટ્સ ભારતીય વિદ્યાર્થીઓ સાથે પરત આવી છે.
અત્યાર સુધીમાં કુલ 15 ફ્લાઈટ્સ ભારત પરત આવી છે અને યુક્રેનથી ભારત પરત ફરનારા વિદ્યાર્થીઓની સંખ્યા 3,352 થઈ ગઈ છે. તેમણે કહ્યું કે આગામી 24 કલાકમાં લગભગ 15 ફ્લાઈટ્સ યુક્રેન જવા માટે તૈયાર છે. તેમણે કહ્યું કે ભારતીય વાયુસેના પણ ઓપરેશન ગંગામાં જોડાઈ છે. વાયુસેનાનું પ્રથમ C-17 વિમાન મોડી રાત્રે રોમાનિયાથી ભારતીય વિદ્યાર્થીઓને લઈને દિલ્હીમાં ઉતરશે. આ ઉપરાંત ભારતીય વાયુસેનાની વધુ ત્રણ ફ્લાઈટ આજે હંગેરી, રોમાનિયન અને પોલેન્ડના ભારતીય વિદ્યાર્થીઓ સાથે દિલ્હી જવા રવાના થશે.
Click it and Unblock the Notifications
Sign in with Google
