PMC બેંક કૌભાંડમાં મોટો ખુલાસો 10.5 કરોડ રેકોર્ડથી ગાયબ

નવી દિલ્હીઃ પંજાબ અને મહારાષ્ટ્ર કો-ઑપરેટિવ બેંક કૌભાંડ મામલે મોટો ખુલાસો થયો છે. બેંકની આંતરિક ટીમની તપાસમાં બેંક રેકોર્ડથી 10.5 કરોડ રૂપિયા ગાયબ હોવાની વાત સામે આવી છે. મામલાની તપાસ કરી રહેલ ટીમને એચડીઆઈએલ અને તેની સાથે જોડાયેલ કંપની દ્વારા જાહેર કરવામાં આવેલ કેટલાય ચેક મળ્યા છે જેમાં ચોંકાવનારી જાણકારી સામે આવી છે. આ ચેક ક્યરેય બેંકમાં જમા જ નહોતા કરવામાં આવ્યા, છતાં રોકડ આપી દેવામાં આવી. જો કે પહેલા કહેવાઈ રહ્યું હતું કે પીએમસીનું આખું કૌભાંડ 4355 કરોડ રૂપિયાનું છે, પરંતુ હકિકતમાં આ 6500 કરોડ રૂપિયાથી પણ વધુનું કૌભાંડ છે.

તપાસ ટીમને એવા 10 કરોડ રૂપિયાથી વધુના ચેક મળ્યા છે જેને જમા કરાવ્યા વિના જ રોકડ આપી દેવામાં આવી હોય. આ ઉપરાંત 50-50 લાખ રૂપિયાનો પણ કોઈ હિસાબ નથી. જણાવી દઈએ કે આરબીઆઈ દ્વારા નિયુક્ત ટીમ આ મામલાની તપાસ કરી રહી હતી, જેને આ વાતની જાણકારી મળી છે. તપાસમાં આ વાત પણ સામે આવી છે કે એચડીઆઈએલની કંપનીઓએ પાછલા બે વર્ષમાં બેંકમાં પૂર્વ એમડી જૉય થામસને કેટલાય ચેક મોકલ્યા, તેમને રોકડ પણ આપી દેવામાં આવી, પરંતુ ચેક જમા નહોતા કરવામાં આવ્યા, કે ન તો આ ચેકની એન્ટ્રી કરાઈ હતી. માનવામાં આવી રહ્યું છે કે થોમસે 50-55 લાખ રૂપિયા પોતાની પાસે જ રાખી લીધા.

જાણકારી મુજબ આ સમગ્ર કૌભાંડ 6500 કરોડ રૂપિયાનું છે. માનવામાં આવી રહ્યું છે કે એફઆઈઆરમાં પણ આ રકમ જોડવામાં આવી શકે છે. ઉલ્લેખનીય છે પીએમસીના પૂર્વ ડાયરેક્ટર જૉય થોમસને ગુરુવારે 14 દિવસની જ્યૂડિશિયલ કસ્ટડીમાં મોકલી દેવામાં આવ્યા છે. હાલ તેઓ જેલના સળિયા પાછળ છે.

English summary

PMC Bank Scam: There is no record of 10.5 crore rupee