લખનઉમાં ઇન્સપેક્ટરે મહિલા કર્મીને દેખાડી અશ્લીલ ફિલ્મ

Published: Sunday, January 5, 2014, 17:42 [IST]

લખનઉ, 5 જાન્યુઆરીઃ રાજધાની પોલીસમાં શનિવાર અચાનક ચર્ચાઓની બજાર ફરી એકવાર ગરમ થઇ ગઇ. એક એસઓએ પોતાના જ પોલીસ મથકે તૈનાત એક મહિલા કર્મીને મોબાઇલ પર અશ્લીલ ફિલ્મ દેખાડી દીધી. સાથે જ તેણે એસઓ પર બીજી મહિલા કર્મી સાથે પ્રેમ પ્રસંગ હોવાનો ખુલાસો પણ કર્યો છે. મામલો રાજધાનીના વિભૂતિખંડ મથકનો છે. એસો વિભૂતિખંડ પંકજ સિંહ પર એક મહિલા કર્મીએ અશ્લીલતાના આરોપ લગાવ્યા છે. શનિવારે પોતાની પીડા તેણે ફેસબુક થકી જાહેર કરી. તેણે રાજધાની પોલીસ અધિકારીની નીયત અને ચરિત્રને ફરી એકવાર પ્રશ્નોના ઘેરામાં લાવી દીધા છે.

મહિલા કર્મીએ ફેસબુક પર પોતાની વ્યથાને પોસ્ટ કરી પોલીસની સાખ પર દાગ લગાવી દીધો છે. તેણે ફેસબુક પર લખ્યુ છે કે એસઓ વિભૂતિખંડ કરપ્ટ છે. તેનું મથકની જ એક મહિલા કર્મી સાથે અફેર ચાલી રહ્યુ છે. એક દિવસ એસઓએ મને ઓફિસમાં બોલાવી. તે મોબાઇલ પર આપત્તિજનક તસવીરો જોઇ રહ્યાં હતા. અચાનક તેમમે મોબાઇલ મારી તરફ ફેરવી દીધો, હું ક્ષોભમાં મુકાઇ ગઇ. મે તેના પર આપત્તિ વ્યક્ત કરી અને હું ત્યાંથી જતી રહી. મે ડીઆઇજી અને એસએસપી સમક્ષ તેની ફરિયાદ પણ કરી. પરંતુ હજુ સુધી એસઓ પર કોઇ કાર્યવાહી કરવામાં આવી નથી.

રાજધાની પોલીસમાં આવે રસિયા મિજાજ પોલીસ કર્મીની રાસલીલાઓ પહેલા પણ જગજાહેર થઇ ગઇ છે. હજુ થોડાક મહિના પહેલા જ પૂર્વ અલીગંજ એસઓ તૌફીક રજાએ પણ એક મહિલા પોલીસ કર્મીના હાથ પર આઇ લવ યુ લખીને હંગામો ઉભો કરી દીધો હતો. એસઓની આ કરતૂતથી વ્યથિત થઇને પોલીસ કર્મીએ પોતાનો હાથ સળગાવી દીધો હતો. સૂત્રોની વાત માનીએ તો એસઓ પંકજ કુમાર સિંહનો દામન પહેલા પણ દાગ લાગી ચૂક્યા છે. સુલ્તાનપુરના જગદીશપુર અને કુડેભાર મથકમાં તૈનાત હતા ત્યારે પણ તેમના પર મહિલા પોલીસ કર્મીઓ દ્વારા અભદ્રતાના આરોપ લગાવવામાં આવ્યા છે.

Published On January 5, 2014