2025ની ચૂંટણીમાં જનતા NDA અને INDIA ગઠબંધનને ઉખાડી ફેંકશેઃ PKનો દાવો

Prashant Kishor News: લોકસભા ચૂંટણી બાદ હવે અનેક રાજ્યોમાં વિધાનસભાની ચૂંટણીના પડઘા સંભળાવા લાગ્યા છે. આ સંદર્ભમાં બિહાર રાજ્યમાં રાજકીય તાપમાન વધવા લાગ્યું છે. રણનીતિકારમાંથી રાજકારણી બનેલા પ્રશાંત કિશોર, જેઓ અહીંના રાજકારણ સાથે જોડાયેલા છે, તેમણે પોતાની પાર્ટી બનાવવાનો દાવો કર્યો છે.

કિશોરે કહ્યું કે અમે 2 ઓક્ટોબર એટલે કે ગાંધી જયંતિના રોજ અમારી નવી પાર્ટી બનાવીશું. આટલું જ નહીં, કિશોરે કેન્દ્રમાં બેઠેલા ભાજપની આગેવાની હેઠળના નેશનલ ડેમોક્રેટિક એલાયન્સ (NDA) અને કોંગ્રેસના નેતૃત્વવાળા ઈન્ડિયા ગઠબંધનને મોટો પડકાર આપ્યો છે.

તેમણે કહ્યું કે આગામી 2025ની વિધાનસભા ચૂંટણીમાં બિહારની જનતા એનડીએ અને ઈન્ડિયા ગઠબંધનને જડમૂળથી ઉખેડી નાખશે. આ વખતે જનતા જનસુરાજને સાથ આપશે અને તેમને જીતાડશે.

કિશોરે વધુમાં કહ્યું કે બિહારના લોકોએ પોતાના વિશે વિચારવું પડશે. રાજ્યની જનતાએ બિહારને બદલવો પડશે. તામિલનાડુ અને પંજાબમાંથી તમારા માટે કોઈ આવવાનું નથી. પૈસાવાળા લોકો વિચારતા હોય છે કે મોટી રકમ ખર્ચીને તેઓ તેમના પુત્રને ભણીને બહાર મોકલી દેશે, પરંતુ તેઓ વિચારતા નથી કે દીકરો બહાર જશે તો પાછો નહીં આવે.

મીડિયાના સવાલ કે આ વખતે કોનો વોટ કાપશો? તેના પર કિશોરે કહ્યું કે એનડીએ અને ઈન્ડિયા ગઠબંધનની ધૂળ ઉડી જશે. જનસુરાજ સંપૂર્ણપણે જનતાની સાથે છે અને જનતા અમારી સાથે છે.

English summary

Prashant Kishor claim Bihar people uproot NDA and INDIA alliance in 2025 election