રાષ્ટ્રપતિ દ્રૌપદી મુર્મુએ લેફ્ટનન્ટ ગવર્નર્સને આપી નવી સત્તા, ગૃહ મંત્રાલયે બહાર પાડ્યું જાહેરનામું

રાષ્ટ્રપતિ દ્રૌપદી મુર્મુએ ઈન્ડસ્ટ્રીયલ રિલેશન કોડને લઈને મોટો નિર્ણય લીધો છે. તેમણે કેન્દ્રશાસિત પ્રદેશોના લેફ્ટનન્ટ ગવર્નર્સને બે મહત્વની સત્તાઓ આપી છે. જાણો શું ફેરફારો થયા છે.

રાષ્ટ્રપતિ દ્રૌપદી મુર્મુએ 18 જાન્યુઆરીના રોજ​લેફ્ટનન્ટ ગવર્નર્સને મહત્વની સત્તાઓ સોંપી છે. રાષ્ટ્રપતિ દ્રૌપદી મુર્મુએ ઔદ્યોગિક સંબંધો સંહિતા, 2020 અને વ્યવસાયિક સલામતી, આરોગ્ય અને કાર્યકારી સ્થિતિ સંહિતા, 2020ના સંદર્ભમાં લેફ્ટનન્ટ ગવર્નરોને નવી બે સત્તાઓ સોંપી છે.

મળી નિયમો બનાવવાની સત્તા

રાષ્ટ્રપતિના આદેશ બાદ ગૃહ મંત્રાલય (MHA) દ્વારા જાહેર કરવામાં આવેલા દિશાનિર્દેશન અનુસાર, દિલ્હીના લેફ્ટનન્ટ ગવર્નર વીકે સક્સેનાને બે નવી સત્તાઓ સોંપવામાં આવી છે. ઔદ્યોગિક સંબંધો સંહિતા, 2020 અને વ્યવસાયિક સલામતી, આરોગ્ય અને કાર્યકારી સ્થિતિ સંહિતા, 2020 હેઠળ, હવે દિલ્હી અને રાષ્ટ્રીય રાજધાની પ્રદેશ (NCT) ના વિસ્તારોમાં જ્યાં તેની જરૂર છે, ત્યાં ઉપ રાજ્યપાલ નિયમો ઘડી શકે છે.

President Murmu has delegated two fresh powers to Delhi LG, VK Saxena under the Industrial Relations Code, 2020 and the Occupational Safety, Health and Working Conditions Code, 2020 to formulate the rules only in the areas of NCT of Delhi where it is required.

— ANI (@ANI) January 18, 2023

કયા રાજ્યોના લેફ્ટનન્ટ ગવર્નર્સને સત્તાઓ મળી

રાષ્ટ્રપતિના આદેશ સાથે જોડાયેલી સૂચનાઓ અનુસાર, આંદામાન અને નિકોબાર ટાપુઓ, દાદરા અને નગર હવેલી અને દમણ અને દીવ, ચંદીગઢ, પોંડિચેરી અને લક્ષદ્વીપ સહિત અન્ય પાંચ કેન્દ્રશાસિત પ્રદેશોના વહીવટકર્તાઓ અને લેફ્ટનન્ટ ગવર્નર્સને પણ રાષ્ટ્રપતિ દ્વારા સમાન સત્તાઓ આપવામાં આવી હતી.

English summary

President Draupadi Murmu gave new powers to Lieutenant Governors