NDAના રાષ્ટ્રપતિ પદના ઉમેદવાર દ્રૌપદી મુર્મૂને સમર્થન આપવાનુ જગનમોહન રેડ્ડીએ કર્યુ એલાન
આંધ્ર પ્રદેશના મુખ્યમંત્રી જગનમોહન રેડ્ડીએ શુક્રવારે એનડીએના રાષ્ટ્રપતિ ઉમેદવાર દ્રૌપદી મુર્મૂને સમર્થન આપવાનુ એલાન કરી દીધુ છે.
નવી દિલ્લીઃ આંધ્ર પ્રદેશના મુખ્યમંત્રી જગનમોહન રેડ્ડીએ શુક્રવારે એનડીએના રાષ્ટ્રપતિ ઉમેદવાર દ્રૌપદી મુર્મૂને સમર્થન આપવાનુ એલાન કરી દીધુ છે. દ્રૌપદી મુર્મૂ દેશના પહેલા આદિવાસી મહિલા હશે જેઓ સર્વોચ્ચ પદ પર પહોંચશે. અધિકૃત નિવેદનમાં કહેવામાં આવ્યુ છે કે આંધ્ર પ્રદેશના મુખ્યમંત્રી જગનમોહન રેડ્ડીનુ માનવુ છે કે તેઓ હંમેશાથી એસસી, એસટી, ઓબીસીને પ્રતિનિધિત્વ આપવાની વાત કરતા રહ્યા છે અને દ્રૌપદી મુર્મૂ આ વિચારધાર હેઠળ આવે છે માટે અમે તેમનુ સમર્થન કરીએ છીએ. છેલ્લા ત્રણ વર્ષોમાં જગનમોહન રેડ્ડીએ આ વર્ગના ઉત્થાન માટે ઘણા મહત્વના પગલાં લીધા છે. કેબિનેટમાં પણ આ વાતનુ ધ્યાન રાખવામાં આવ્યુ છે.
જો કે, જગન મોહન રેડ્ડી દ્રૌપદી મુર્મુના નોમિનેશન દરમિયાન હાજર રહેશે નહીં કારણ કે તે પહેલાથી જ નિર્ધારિત કેબિનેટ બેઠકમાં હાજરી આપશે. તેમની પાર્ટીના રાજ્યસભા સાંસદ વિજયસાઈ રેડ્ડી અને લોકસભા સાંસદ મિધુન રેડ્ડી ભાગ લેશે. નોંધનીય છે કે દ્રૌપદી મુર્મુએ વડાપ્રધાન નરેન્દ્ર મોદી, ગૃહમંત્રી અમિત શાહ, ભાજપ અધ્યક્ષ જેપી નડ્ડા સાથે મુલાકાત કરી હતી. રાષ્ટ્રપતિની ચૂંટણી 18 જુલાઈના રોજ યોજાશે. દ્રૌપદી મુર્મુ આજે ઉમેદવારી નોંધાવશે. પ્રમુખ રાજકીય પક્ષો દ્વારા રાષ્ટ્રપતિ પદના ઉમેદવાર તરીકે જાહેર કરવામાં આવેલ તે ઓરિસ્સામાંથી પ્રથમ મહિલા છે. તે ઝારખંડના પ્રથમ મહિલા રાજ્યપાલ રહી ચૂક્યા છે. તેઓ વર્ષ 2015થી 2021 સુધી ઝારખંડના રાજ્યપાલ હતા.
આદિવાસી સમુદાયમાંથી આવતા દ્રૌપદી મુર્મૂ ઓરિસ્સાના મયુરભંજનીમાંથી આવે છે. દ્રૌપદી મુર્મૂએ તમામ પડકારો સામે પોતાનો અભ્યાસ પૂરો કર્યો. તેમણે ઓરોબિંદો ઇન્ટિગ્રલ એજ્યુકેશન સેન્ટર રાયરાંગંજમાં પણ અભ્યાસ કર્યો હતો. મુર્મૂએ અહીંથી પોતાની રાજકીય શરૂઆત કરી હતી. તેઓ રાયરંગપુરથી ઓરિસ્સા વિધાનસભાના સભ્ય પણ રહી ચૂક્યા છે. તેઓ ઓરિસ્સા સરકારમાં મંત્રી પણ રહી ચૂક્યા છે. 2007માં ઓરિસ્સા વિધાનસભા દ્વારા તેમને શ્રેષ્ઠ ધારાસભ્ય તરીકે નીલકંઠ એવોર્ડથી પણ સમ્માનિત કરવામાં આવ્યા હતા.
Click it and Unblock the Notifications
Sign in with Google
