'પંચે પત્નીને બહેન બનાવવાનું કર્યું ફરમાન'

હિસાર, 1 ફેબ્રુઆરી: અગ્નિને સાક્ષી માનીને જેની સાથે ફેરા લઇને ધર્મ પત્નીનું સ્થાન આપવામાં આવે અને ત્યારબાદ તેને બહેન બનાવવા માટે મજબૂર કરવામાં આવે તો શું થાય. જી આ વાત સાચી છે, આવું જ ફરમાન પંચે એક યુવક માટે જાહેર કર્યું છે. આઠ મહિના અગાઉ પ્રેમલગ્ન કરનાર યુવકને ભારે પડ્યું છે. પહેલાં તો તેને ગામની બહાર કાઢી મુકવામાં આવ્યો હતો અને હવે પંચ દ્રારા તેના પર દબાણ નાખવામાં આવી રહ્યું છે કે તે પોતાની પત્નીને બહેન બનાવે. યુવકના પરિવારજનો તથા અન્ય ગ્રામજનો પણ પંચનું સમર્થન કરી રહ્યાં છે.

હિસાર (હરિયાણા)ના બિઠમડા ગામના નિવાસી યુવક જ્યોતિ પ્રકાશે પોલીસ પોલીસ મહાનિરીક્ષકને આ અંગે ફરિયાદ આપી છે. યુવકના જણાવ્યા અનુસાર સાંપલા ગામની યુવતિ સાથે પ્રેમલગ્ન કર્યા બાદ ગામના અનેક લોકો તથા તેના પિતા ગોત્ર વિવાદના કારણે પરેશાન કરી રહ્યાં હતા. જેથી તેને ગામમાંથી કાઢી મૂકવામાં આવ્યો હતો. ગામમાં પ્રવેશ કરશે તો તેને જાનથી મારી નાખવામાં આવશે તેવી ધમકી આપવામાં આવતી હતી.

જ્યોતિ પ્રકાશે લેખિતમાં આરોપ લગાવ્યો છે કે તેની પત્નીને બહેન બનાવવા માટે દબાણ કરવામાં આવે છે. કારણ કે તેના પિતાના ગોત્રની છોકરી સાથે લગ્ન કરવાનું છે. બીજી તરફ ગામના સરપંચ બલશેર સિંહનું કહેવું છે કે આ મુદ્દો યુવક અને તેના પરિવારજનોનો છે. અન્ય ગ્રામજનો તથા સરપંચ લગાવવામાં આવેલા આરોપો આધારવિહિન છે.

English summary

Punch's forced on husband for make wife to sister.