પંજાબઃ મંત્રી અનમોલ ગગન માને કરી સમીક્ષા બેઠક, વિકાસ પરિયોજનાઓની લીધી અપડેટ
કેબિનેટ મંત્રી અનમોલ ગગન માનની અધ્યક્ષતામાં યોજાયેલી બેઠકમાં વિકાસ પ્રોજેક્ટ્સની પ્રગતિની સમીક્ષા કરવા અને ખરડ મતવિસ્તારના લોકોની સમસ્યાઓનુ નિરાકરણ કરવામાં આવ્યુ હતુ.
મોહાલી: કેબિનેટ મંત્રી અનમોલ ગગન માનની અધ્યક્ષતામાં જિલ્લા વહીવટી સંકુલ, જિલ્લા એસએએસ નગર ખાતે વિવિધ વિભાગોના અધિકારીઓની બેઠકમાં વિકાસ પ્રોજેક્ટ્સની પ્રગતિની સમીક્ષા કરવા અને ખરડ મતવિસ્તારના લોકોની સમસ્યાઓનુ નિરાકરણ કરવામાં આવ્યુ હતુ. આ પ્રસંગે કેબિનેટ મંત્રીએ જણાવ્યુ હતુ કે, આ મતવિસ્તારને એક મૉડેલ મતવિસ્તાર બનાવવા માટે કોઈ કસર બાકી રાખવામાં આવશે નહીં.
ખરડ શહેરને સંપૂર્ણ સ્વચ્છ અને બ્યુટીફિકેશન કરવામાં આવશે અને શહેરમાં વધુ વૃક્ષો વાવવામાં આવશે. તેમણે અધિકારીઓને સૂચના આપી હતી કે તમામ યોજનાઓનો એક-એક પૈસો પ્રામાણિકપણે જનતા માટે અને રાજ્યના વિકાસ માટે ખર્ચવામાં આવે. તેમણે કહ્યુ હતુ કે તે સુનિશ્ચિત કરશે કે વિવિધ યોજનાઓ અને વિકાસ પ્રોજેક્ટ્સના સંદર્ભમાં ભંડોળની કોઈ અછત નહીં રહે.
કેબિનેટ મંત્રીએ અધિકારીઓને ખરડ શહેરને એક મૉડેલ સિટી બનાવવા માટે એક વ્યાપક યોજના તૈયાર કરવા જણાવ્યુ હતુ, જૂના અને ભીડભાડવાળા રસ્તાઓને પણ સુંદર દેખાવ આપવા જણાવ્યુ. કેબિનેટ મંત્રીએ ખરડ, કુરાલી અને નયાગાંવ મ્યુનિસિપલ કાઉન્સિલ દ્વારા કરવામાં આવી રહેલી કામગીરીની સમીક્ષા કરી હતી. તેમણે સી ખરડ અને સાંતે માજરા ખાતે આરોગ્ય સુવિધાઓની પણ સમીક્ષા કરી હતી.
Click it and Unblock the Notifications
Sign in with Google
