Punjab News: મલેરકોટલાને સાંસ્કૃતિક વારસા તરીકે વિકસાવશે માન સરકાર

Punjab News: પંજાબ દેશના તે રાજ્યોમાંનું એક છે, જ્યાં તેનો સાંસ્કૃતિક વારસો ખૂબ જ સમૃદ્ધ છે. રાજ્યના તમામ પ્રવાસન સ્થળો અને સાંસ્કૃતિક કેન્દ્રોનો મુખ્યત્વે ભગવંત માન સરકાર દ્વારા વિકાસ કરવામાં આવી રહ્યો છે. આ કેટેગરીમાં રાજ્ય સરકારે હવે માલેરકોટલાને પ્રવાસન સ્થળ તરીકે વિકસાવવાનો નિર્ણય લીધો છે.

પંજાબ સરકાર માલેરકોટલાને સમૃદ્ધ સાંસ્કૃતિક વારસાના કેન્દ્ર તરીકે વિકસાવવા જઈ રહી છે. આ સાથે પ્રવાસીઓને આકર્ષવા માટે તેને મુખ્ય પ્રવાસન કેન્દ્ર તરીકે પણ વિકસાવવામાં આવશે.

પંજાબની રાજ્ય સરકારના પ્રવાસન મંત્રી અનમોલ ગગન માને માલેરકોટલામાં ચાલી રહેલા ચાર દિવસીય સૂફી ફેસ્ટના સમાપન દરમિયાન આ જાહેરાત કરી હતી. ભગવંત માને જણાવ્યું હતું કે, રાજ્ય સરકાર ભારતના સાંસ્કૃતિક વારસાને પુનઃજીવિત કરવા પ્રતિબદ્ધ છે. અમે ઇચ્છીએ છીએ કે, લોકો માલેરકોટલાના પૂર્વ રજવાડાના દરેક પાસાને ઓળખે, જેને ગુરુ ગોવિંદ સિંહે શાશ્વત શાંતિના આશીર્વાદ આપ્યા હતા.

પ્રવાસન મંત્રી અનમોલ ગગન માને જણાવ્યું હતું કે, તહેવારના વિવિધ સત્રોમાં સ્થાનિક ઘરાનાઓ, કવ્વાલ, સૂફી ગાયકો અને પરંપરાગત કલાકારોના વારસાની ઝલક રજૂ કરવામાં આવી હતી. પંજાબ સરકારના આ અભિયાન માટે યુવાનોએ આગળ આવવું જોઈએ જેથી કરીને પંજાબને ફરી એકવાર રંગલા પંજાબ બનાવી શકાય.

ઉલ્લેખનીય છે કે, માલેરકોટલામાં 14 થી 17 ડિસેમ્બર વચ્ચે ચાર દિવસીય સૂફી મહોત્સવનું આયોજન કરવામાં આવ્યું હતું. તેનું આયોજન પંજાબ સરકારના પર્યટન અને સાંસ્કૃતિક વિભાગ દ્વારા કરવામાં આવ્યું હતું. નોંધનીય છે કે, માલેરકોટલાના સમૃદ્ધ વારસાને આગળ ધપાવવા માટે આ તહેવાર એક મહત્વપૂર્ણ માધ્યમ છે.

સ્થાનિક ઘરાનાઓ, મુશાયરા, કવ્વાલી વગેરેની ગાયન શૈલીઓ રજૂ કરવામાં આવી હતી. આ ઉપરાંત સૂફી સાહિત્યના પુસ્તકો અને સ્થાનિક ઉત્પાદનોનું પ્રદર્શન પણ યોજવામાં આવ્યું હતું. લોકોને ફ્રી એન્ટ્રી આપવામાં આવી હતી. વહીવટીતંત્રના સહયોગથી કાર્યક્રમનું સફળતાપૂર્વક આયોજન કરવામાં આવ્યું હતું.

English summary

Punjab News: CM bhagwant mann Government to develop Malerkotla as cultural heritage