Punjab : સીએમ ભગવંત માનની પંજાબના ઉદ્યોગ જગતે પ્રસંશા કરી, કહ્યું-પ્રદેશ વિકાસના રસ્તે

આમ આદમી પાર્ટીની પંજાબની ભગવંત માન સરકાર રાજ્યમાં ઉદ્યોગોને પ્રોત્સાહન આપવા માટે વિવિધ પગલા ભરી રહી છે. આ ક્રમમાં જ પંજાબના ઉદ્યોગ જગતે સીએમ ભગવંત માનની પ્રસંશા કરી છે.

પંજાબ સરકારના કામની પ્રશંસા કરતા ફૂટવેર એસોસિએશનના વરુણ જયરથે કહ્યું કે, રાજ્ય સરકાર ખૂબ જ સારું કામ કરી રહી છે, પંજાબ પ્રગતિના પંથે આગળ વધી રહ્યું છે.

તેમણે કહ્યું કે, આભાર કે સરકારે OTS યોજનાની છેલ્લી તારીખ લંબાવવાની અમારી અપીલ સ્વીકારી. આ યોજના 15મી માર્ચે પૂરી થઈ રહી હતી પરંતુ હવે તેને 15મી મે સુધી લંબાવી દેવામાં આવી છે.

કુકુ એક્સપોર્ટ્સના દિનેશ પુરીએ માન સરકારની પ્રશંસા કરી અને કહ્યું કે, આપ દી સરકાર આપ દે દ્વાર એક સારી પહેલ છે. તેમણે કહ્યું કે, અમને અમારા ઘરની નજીકના કેમ્પમાં અડધા કલાકમાં અમારા પુત્રનું જન્મ પ્રમાણપત્ર મળી ગયું. અમે મુખ્ય પ્રધાનને ચીનમાંથી ઓછા ભાવે આયાત થતા કપડાં પર પ્રતિબંધ મૂકવાની વિનંતી પણ કરી છે, જેના પર મુખ્ય પ્રધાન ભગવંતસિંહ માને કહ્યું કે તેઓ આ અંગે કેન્દ્ર સરકાર સમક્ષ મુદ્દો ઉઠાવશે.

આ સિવાય બાબા ચિકનના હાર્મિક સિંહે રાજ્ય સરકારના મેરા બિલ, મેરા અધિકાર એપના વખાણ કર્યા. તેમણે કહ્યું કે આ એપએ કરદાતાઓને યોગ્ય તક પૂરી પાડી છે. નકલી બિલને રોકવા માટે એપ એક મોટું માધ્યમ બની ગયું છે. જેના કારણે ટેક્સ ન ભરનારાઓએ પણ ટેક્સ ભરવાનું શરૂ કરી દીધું છે.

ટિશ્યુ ઉત્પાદક તલવિંદર કુમારે કહ્યું કે, સરકારે તેના તમામ વચનો પૂરા કર્યા છે, આ માટે અમે તેમના આભારી છીએ. અમે દોરાહા અને ખન્નામાં સીસીટીવી કેમેરા લગાવવાની માંગ કરી હતી, જેને મુખ્યમંત્રીએ તરત જ સ્વીકારી લીધી.

English summary

Punjab: The industry of Punjab praised CM Bhagwant Maan