ઉત્તર પ્રદેશમાં 30 ઓક્ટોબરથી શંખનાદ કરશે કોંગ્રેસ

લખનઉ, 21 ઓક્ટોબર: ભાજપાના વડાપ્રધાન નરેન્દ્ર મોદીએ 19 ઓક્ટોબરના રોજ વિશાળ રેલી કરીને લોકસભાની સૌથી વધારે બેઠક ધરાવતા રાજ્ય ઉત્તર પ્રદેશમાં રેલી કરીને પોતાના અભિયાનની શરૂઆત કરી દીધું છે. હવે કોંગ્રેસ પણ ઉત્તર પ્રદેશમાંથી પોતાનો ચૂંટણી શંખનાદ કરવા જઇ રહી છે.

મોદીના નિશાના પર રાહુલ અને કોંગ્રેસ રહ્યા તો હવે ભાજપાને જવાબ આપવા માટે રાહુલે પણ કમર કસી લીધી છે. રાહુલ પણ ઉત્તર પ્રદેશમાં ચૂંટણી અભિયાનની શરૂઆત કરવાના છે, પરંતુ કોંગ્રેસનો આ ચાંદ ઉત્તર પ્રદેશમાં કરવા ચોથ બાદ જ દેખાશે.

કોંગ્રેસના યુવરાજ રાહુલ ગાંધી 30 ઓક્ટોબરના રોજ યુપીમાં બે રેલીઓ સંબોધવા જઇ રહ્યા છે. બે જનસભાઓને સંબોધિત કરશે. તેમની આ રેલી દેવરીયાથી શરૂ થશે. પહેલી જનસભા 30 ઓક્ટોબરના રોજ દેવરિયાના સલેમપુરમાં અને બીજી રેલી હમીરપુરના રાઠમાં થશે. ધ્યાન આપનાર વાત એ છે કે પહેલા આ રેલી 22 ઓક્ટોબરના રોજ યોજાવાની હતી, પરંતુ કરવાચોથના કારણે તેને સ્થગિત કરી દેવામાં આવી હતી.

પ્રદેશ કોંગ્રેસ કમિટિના અધ્યક્ષ ડો. નિર્મલ ખત્રીએ જણાવ્યું કે સંગઠન રાહુલની જનસભાઓને સફળ બનાવવા માટે સંપૂર્ણ રીતે લાગી ગયું છે. મોદીની રેલીમાં ભારે જનમેદનીના જોતા કોંગ્રેસ પણ રાહુલની આ જનસભાઓને લઇને ખાસી ઉત્સાહીત છે.

English summary

Congress vice president Rahul Gandhi would address two rallies in Uttar Pradesh on October 30.