મોદીના માર્ગે ચાલી રહ્યા છે રાહુલ બાબા
લખનઉ, 13 જૂન: લોકસભા ચૂંટણીની રણનીતિ બધી પાર્ટીઓ ઉત્તરપ્રદેશમાંથી જ નક્કી કરવાનું મન બનાવી રહી છે. બીજેપીએ ચૂંટણી જંગની શરૂઆત યુપીથી જ કર્યું. પાર્ટીના નવા પ્રદેશ પ્રભારી અમિત શાહને અત્રે રણનીતિ બનાવવા મોકલી દેવાયા. અમિત શાહ પણ અત્રે મોદી માટે મેદાન મોકળુ કરવામાં લાગી ગયા છે.
આની વચ્ચે પણ આજે કોંગ્રેસના રાષ્ટ્રીય અધ્યક્ષ રાહુલ ગાંધી પણ પોતાના સંસદીય વિસ્તાર અમેઠીના પ્રવાસ પર છે. એકબાજુ રાહુલ અને બીજી બાજુ મોદીના સેનાનાયક અમિત શાહની હાજરીથી યુપીમાં એકબે દિવસ થોડી ગરમાગરમી રહેશે. રાહુલ અમેઠીમાં કાર્યકર્તાઓને મળીને તેમની સમસ્યા સાંભળશે.
અમિત શાહે પહેલા જ સ્પષ્ટતા કરી દીધી છે કે પાર્ટીની સ્થિતિ ત્યારે જ મજબૂત થઇ શકે છે જ્યારે નેતાઓ અંદરોઅંદરના મતભેદ ભુલાવીને એક થઇને કામ કરે. બીજેપી નેતા અમિત શાહના યુપી પ્રવાસ બાદ રાહુલનો અમેઠી પ્રવાસ એ તરફ ઇશારો કરે છે કે રાહુલ બાબા મોદીના માર્ગે ચાલી રહ્યા છે.
Click it and Unblock the Notifications
Sign in with Google
