ભોપાલમાં રાહુલના રોડ શૉને એતિહાસિક બનાવવામાં જોડાઈ કોંગ્રેસ
કોંગ્રેસના રાષ્ટ્રીય અધ્યક્ષ રાહુલ ગાંધી 17 સપ્ટેમ્બરે ભોપાલમાં ચુનાવી શંખનાદ કરશે. પ્રદેશ કોંગ્રેસ તેમના આગમન પર રાજા ભોજ એરપોર્ટથી કોંગ્રેસ કાર્યાલય સુધી એતિહાસિક રોડ શૉ કરવાની તૈયારી કરી રહ્યું છે.
કોંગ્રેસના રાષ્ટ્રીય અધ્યક્ષ રાહુલ ગાંધી 17 સપ્ટેમ્બરે ભોપાલમાં ચુનાવી શંખનાદ કરશે. પ્રદેશ કોંગ્રેસ તેમના આગમન પર રાજા ભોજ એરપોર્ટથી કોંગ્રેસ કાર્યાલય સુધી એતિહાસિક રોડ શૉ કરવાની તૈયારી કરી રહ્યું છે. રસ્તામાં દરેક જગ્યા પર કોંગ્રેસ અધ્યક્ષ રાહુલ ગાંધીનું સ્વાગત કરવામાં આવશે. આપને જણાવી દઈએ કે રોડ શૉ ઘ્વારા કોંગ્રેસ પોતાનું શક્તિપ્રદર્શન કરવાની સાથે સાથે પ્રદેશની જનતા વચ્ચે પાર્ટીના પક્ષમાં માહોલ બનાવવા માંગે છે.
અખિલ ભારતીય કોંગ્રેસ કમિટીના સચિવ સંજય કપૂર, ઝુબેર ખાન, વર્ષા ગાયકવાડ અને શુભાંશુ ત્રિપાઠી હાલમાં રાજધાનીમાં ડેરો જમાવી બેઠા છે. તેઓ અહીં રહીને ચૂંટણીની તૈયારી સાથે સાથે રાહુલ ગાંધીના ભોપાલ આગમન અંગે નેતાઓ સાથે ચર્ચા કરી રહ્યા છે. પ્રદેશ કોંગ્રેસ અધ્યક્ષ કમલનાથ અને ચારેય રાષ્ટ્રીય સચિવોની હાજરીમાં પાર્ટીના વરિષ્ઠ નેતાઓની મુલાકાતનો સિલસિલો ચાલુ છે, જેમાં રાહુલ ગાંધીની ભોપાલ યાત્રાની રણનીતિ તૈયાર કરવામાં આવી રહી છે.
આ પણ વાંચો: મહાત્મા ગાંધીની સમાધિ પર રાહુલે ચડાવ્યુ કૈલાશ માનસરોવરથી લાવેલુ જળ
આપને જણાવી દઈએ કે રોડ શૉ પછી રાહુલ ગાંધી ભેલ દશાર્હરા મેદાન પર એક જનસભા પણ સંબોધિત કરશે. આ સભામાં પાર્ટીના બધા જ મોટા નેતાઓ અને કાર્યકર્તાઓ હાજર રહેશે. કોંગ્રેસ નેતા રાહુલ ગાંધી પણ લાખોની સંખ્યામાં ભીડ ભેગી કરવાનો પ્રયાસ કરી રહ્યા છે. સૂત્રો અનુસાર જે રીતે રાહુલ ગાંધીએ રાજસ્થાનના જયપુરમાં એતિહાસિક રોડ શૉ કરીને ચૂંટણીનો શંખનાદ કર્યો હતો, તેવી જ રીતે કોંગ્રેસ પણ ભોપાલમાં રોડ શૉની તૈયારી કરી રહ્યું છે.
Click it and Unblock the Notifications
Sign in with Google
