ટ્વિટર પર પીએમ મોદીથી આગળ નીકળ્યા રાહુલ ગાંધી, બજેટનું ટ્વીટ બન્યુ નંબર વન

રાહુલ ગાંધીએ પીએમ મોદી સાથે સાથે ભારતીય જનતા પાર્ટી અને પ્રધાનમંત્રી કાર્યાલયના ટ્વિટરના આંકડાને પણ પાછળ છોડી દીધા છે.

Updated: Tuesday, February 5, 2019, 15:52 [IST]

છેલ્લા થોડા મહિનાઓમાં સોશિયલ મીડિયા પર ઝડપથી સક્રિય જોવા મળી રહેલા કોંગ્રેસ અધ્યક્ષ રાહુલ ગાંધી હવે ફૂલ ફોર્મમાં આવી ગયા છે. ચૂંટણી પહેલા રજૂ થયેલ મોદી સરકારના વચગાળાના બજેટનું ટ્વીટર પર ખૂબ છવાયુ છે. ત્યાં સુધી કે રાહુલ ગાંધીએ પીએમ મોદી સાથે સાથે ભારતીય જનતા પાર્ટી અને પ્રધાનમંત્રી કાર્યાલયના ટ્વિટરના આંકડાને પણ પાછળ છોડી દીધા છે. સોશિયલ મીડિયા પર રાહુલ ગાંધીના ફોર્મની ચર્ચા હવે રાજકીય ગલીઓમાં પણ શરૂ થઈ ગઈ છે.

Dear NoMo,

5 years of your incompetence and arrogance has destroyed the lives of our farmers.

Giving them Rs. 17 a day is an insult to everything they stand and work for. #AakhriJumlaBudget
— Rahul Gandhi (@RahulGandhi) 1 February 2019

રાહુલ ગાંધી નીકળ્યા સૌથી આગળ

ટ્વિટર અનુસાર વચગાળાનું બજેટ 2019 અંગે નેતાઓ અને હસ્તીઓ તરફથી જે ટ્વિટ કરવામાં આવ્યા છે તેમાં કોંગ્રેસ અધ્યક્ષ રાહુલ ગાંધીનું ટ્વિટ નંબર એક પર હતુ. રાહુલ ગાંધીનું આ ટ્વીટ જેમાં તેમણે લખ્યુ હતુ ‘પાંચ વર્ષોમાં તમારા નિષ્ફળતા અને તમારા અહંકારે અમારા ખેડૂતોનું જીવન બરબાદ કરી દીધુ. 17 રૂપિયા પ્રતિદિન આપવા તેમનુ અપમાન છે.' સૌથી વધુ રીટ્વીટ કરાયેલ ટ્વીટોમાંનું એક હતુ. રાહુલ ગાંધીના આ ટ્વીટને લગભગ 13000 વાર રીટ્વીટ કરવામાં આવ્યુ.

ચાર દિવસોમાં 8 લાખથી વધુ ટ્વીટ

આ ઉપરાંત ટ્વિટરે વધુ એક જાણકારી આપી છે કે 31 જાન્યુઆરીથી 3 ફેબ્રુઆરી સુધી ચાર દિવસો દરમિયાન વચગાળાના બજેટ સંબંધિત આઠ લાખથી વધુ ટ્વીટ કર્યા છે. જેમાં રાહુલ ગાંધીનું ટ્વીટ પણ શામેલ છે જે સૌથી વધુ વાર રીટ્વીટ કરવામાં આવ્યુ છે. ટ્વિટરે કહ્યુ કે ગયા વર્ષના બજેટની તુલનામાં આ વખતે 1.5 ગણુ વધુ ટ્વીટ કરવામાં આવ્યુ છે. કંપનીએ કહ્યુ કે આ વખતે બજેટ ચર્ચા દુનિયાભરમાં ચર્ચાનો વિષય રહ્યો છે અને આ દરમિયાન 14 લાખથી વધુ ટ્વીટ થયા છે.

This is a #BudgetForNewIndia and for all Indians. Watch my take. https://t.co/eAsPXMk1Dr
— Narendra Modi (@narendramodi) 1 February 2019

પ્રધાનમંત્રી મોદી ચોથા નંબર પર

બજેટ માટેના ટ્વીટને રીટ્વીટ કરવાના મામલે પ્રધાનમંત્રી નરેન્દ્ર મોદી રાહુલ ગાંધીથી પાછળ થઈ ગયા છે. સોશિયલ મીડિયા પર હંમેશા છવાયેલા રહેતા નરેન્દ્ર મોદી તરફથી બજેટ પર કરવામાં આવેલુ ટ્વીટ ચોથા નંબરે રહ્યુ છે. પીએમ મોદીના ટ્વીટને 7500 વાર રીટ્વીટ કરવામાં આવ્યુ. જ્યારે સત્તાધારી પાર્ટી ભાજપ આ શ્રેણીમાં બીજા નંબર પર રહી છે. રાહુલ ગાંધીને જવાબ આપવા મેટ ભાજપે પલટવાર કર્યો હતો તે ટ્વીટને લગભગ 9000 વાર રીટ્વીટ કરવામાં આવ્યુ. તમને જણાવી દઈએ કે વચગાળાના બજેટ માટેના કુલ ટ્વીટની સંખ્યા 1.4 મિલિયન છે. જેમાંથી કુલ 8 લાખ ટ્વીટ ભારતમાંથી જ કરવામાં આવ્યા છે.