સેશન કોર્ટના ફેંસલાને રાહુલ ગાંધી પડકારશે, 48 કલાકમાં કરશે અરજી
કોંગ્રેસના નેતા રાહુલ ગાંધી 2019ના 'મોદી સરનેમ' બદનક્ષીના કેસમાં સુરત કોર્ટની સજાને પડકારતી એક કે બે દિવસમાં અરજી દાખલ કરશે. 23 માર્ચે સુરતની ડિસ્ટ્રિક્ટ એન્ડ સેશન્સ કોર્ટની CJM કોર્ટે 'મોદી અટક' ટિપ્પણીમાં રાહુલ ગાંધીને દોષિત ઠેરવ્યા હતા અને તેમને બે વર્ષની જેલની સજા ફટકારી હતી. જે બાદ રાહુલ ગાંધીની લોકસભાની સદસ્યતા રદ કરવામાં આવી હતી. પક્ષે હજુ સુધી હાઈકોર્ટમાં પડકારની અરજી દાખલ કરી નથી.
સૂત્રોના જણાવ્યા અનુસાર, સુરતની ટ્રાયલ કોર્ટે આપેલી સજાને કોંગ્રેસ પાર્ટીના લીગલ સેલ અને રાહુલ ગાંધીના વકીલો વતી પડકારતી અરજી આગામી 48 કલાકમાં સુરત કોર્ટમાં દાખલ કરવામાં આવી શકે છે. આ સજાના કારણે રાહુલ ગાંધીને લોકસભામાંથી ગેરલાયક ઠેરવવામાં આવ્યા હતા, જે બાદ દેશમાં રાજકીય ઉથલપાથલ મચી ગઈ છે.
રાહુલ ગાંધી સાથે 30 વર્ષનો સમય
મંગળવારે એક દિવસ પહેલા કોંગ્રેસના મહાસચિવ જયરામ રમેશે કહ્યું હતું કે કાયદાકીય ટીમ તેના પર કામ કરી રહી છે. "અમને ખબર છે કે ક્યાં અપીલ કરવી છે. અમને ખબર છે કે ક્યારે અપીલ કરવી કારણ કે અમારી પાસે 30 દિવસ છે. બાકીની કાનૂની ટીમ તેની તપાસ કરી રહી છે. ભાજપના આરોપો પાયાવિહોણા છે."
Click it and Unblock the Notifications
Sign in with Google
