પેટ્રોલ-ડિઝલ પરના ટેક્સ મુદ્દે રાહુલનો કટાક્ષ, ખિસ્સા કાતરૂથી સાવધાન!
મનમોહન સિંહ સરકારમાં ભાજપ દ્વારા મોંઘવારીનો મુદ્દો જોરશોરથી ઉઠાવવામાં આવ્યો હતો. તે મોંઘવારી પર અંકુશ લાવવાના વચન સાથે સત્તામાં આવી હતી, પરંતુ હવે તમામ રેકોર્ડ તૂટી ગયા છે.
નવી દિલ્હી, 01 નવેમ્બર : મનમોહન સિંહ સરકારમાં ભાજપ દ્વારા મોંઘવારીનો મુદ્દો જોરશોરથી ઉઠાવવામાં આવ્યો હતો. તે મોંઘવારી પર અંકુશ લાવવાના વચન સાથે સત્તામાં આવી હતી, પરંતુ હવે તમામ રેકોર્ડ તૂટી ગયા છે. 80 રૂપિયાની નજીક વેચાતું પેટ્રોલ ઘણા શહેરોમાં 120 રૂપિયા પ્રતિ લીટરને પાર કરી ગયું છે, જ્યારે ડીઝલ 105 રૂપિયાની નજીક છે. આ માટે કોંગ્રેસના પૂર્વ અધ્યક્ષ અને સાંસદ રાહુલ ગાંધીએ મોદી સરકાર પર નિશાન સાધ્યું છે.
રાહુલ ગાંધીએ ટ્વિટર પર એક મીડિયા રિપોર્ટ શેર કર્યો હતો, જેમાં કહ્યું હતું કે એક્સાઇઝ ટેક્સથી સરકારની કમાણી વધી છે. જેના કારણે ઘણા શહેરોમાં પેટ્રોલ 120 રૂપિયા સુધી પહોંચી ગયું છે. સ્ક્રીનશોટ પોસ્ટ કરતા રાહુલે લખ્યું છે કે ખિસ્સા કાતરૂથી સાવધાન! #TaxExtortion. થોડા દિવસો પહેલા તેમને આવો જ એક રિપોર્ટ શેર કર્યો હતો, જેમાં કહેવામાં આવ્યું હતું કે દિલ્હીમાં પેટ્રોલ 108 રૂપિયાથી વધુ છે. જેના પર રાહુલે લખ્યું કે આ ક્યા એન્ગલથી અચ્છે દિન છે?
जेबकतरों से सावधान!#TaxExtortion pic.twitter.com/VzgpUUhy9p
— Rahul Gandhi (@RahulGandhi) November 1, 2021
તાજેતરના એક અહેવાલ મુજબ પેટ્રોલિયમ ઉત્પાદનો પરના એક્સાઈઝ ટેક્સથી સરકારને મોટો નફો થઈ રહ્યો છે. ગયા વર્ષના સમાન સમયગાળા સાથે આ વર્ષના પ્રથમ અર્ધવાર્ષિક ગાળાની સરખામણી કરીએ તો તે આવક 33 ટકા વધીને 1.71 લાખ કરોડ થઈ છે. જો કોરોના પહેલાના આંકડા જોવામાં આવે તો એક્સાઇઝ કલેક્શનમાં 79 ટકાનો વધારો થયો છે.
સોમવારે કેન્દ્રીય શ્રમ, પેટ્રોલિયમ અને કુદરતી ગેસ રાજ્ય મંત્રી રામેશ્વર તેલી કાનપુર પહોંચ્યા હતા. ત્યાં તે કામદારોને ઈ-શ્રમ કાર્ડનું વિતરણ કરી રહ્યા હતા ત્યારે મીડિયાકર્મીઓએ તેમને પૂછ્યું કે પેટ્રોલિયમ ઉત્પાદનોના ભાવ ક્યારે ઘટશે? આ અંગે તે કોઈ જવાબ આપી શક્યા ન હતા. તેમના સિવાય કેન્દ્ર સરકાર પણ આ મામલે સંપૂર્ણપણે મૌન છે.
Click it and Unblock the Notifications
Sign in with Google
