Rajasthan Election 2023: રાજસ્થાનમાં ભાજપે જાહેર કર્યો ચૂંટણી ઢંઢેરો, જનતાને આપ્યા આ વચનો

BJP Sankalp Patra Rajasthan 2023: રાજસ્થાન વિધાનસભા ચૂંટણી 2023માં 25મી નવેમ્બરે મતદાન થવાનું છે અને મતગણતરી 3 ડિસેમ્બરના રોજ થવાની છે. આ અગાઉ 16 નવેમ્બરના રોજ ભાજપે રાજસ્થાન ચૂંટણી માટે પોતાનો ઢંઢેરો જાહેર કર્યો છે. ભારતીય જનતા પાર્ટીના સંકલ્પ પત્રના નામે બહાર પાડવામાં આવેલા મેનિફેસ્ટોમાં મહિલાઓ, યુવાનો અને ખેડૂતોને અનેક વચનો આપવામાં આવ્યા છે.

રાષ્ટ્રીય અધ્યક્ષ જેપી નડ્ડા, કેન્દ્રીય મંત્રી અર્જુન રામ મેઘવાળ, ગજેન્દ્ર સિંહ શેખાવત, રાજસ્થાન ભાજપના પ્રદેશ અધ્યક્ષ સીપી જોશી અને પૂર્વ સીએમ વસુંધરા રાજે સિંધિયાની ઉપસ્થિતિમાં રાજસ્થાનની રાજધાની જયપુરમાં બીજેપી મીડિયા સેન્ટરમાંથી રાજસ્થાન વિધાનસભા ચૂંટણી 2023 માટેનુ સંકલ્પ પત્ર જાહેર કરવામાં આવ્યુ છે.

ભાજપનુ વિધાનસભા ચૂંટણી સંકલ્પ પત્ર 2023

• PM કિસાન સન્માન નિધિની રકમ વધારીને 12000 રૂપિયા પ્રતિ વર્ષ કરવામાં આવશે.
• લાડો પ્રોત્સાહક યોજના હેઠળ, છોકરીના જન્મ પર 2 લાખ રૂપિયાના બચત બૉન્ડ દ્વારા નાણાકીય સહાય આપવામાં આવશે.
• મુફત સ્કૂટી યોજના હેઠળ મુખ્યમંત્રી 12મું પાસ થયેલી હોંશિયાર વિદ્યાર્થિનીઓને સ્કૂટી આપશે.
• PM ઉજ્જવલા યોજના હેઠળ તમામ ગરીબ પરિવારોની મહિલાઓને 450 રૂપિયામાં સિલિન્ડર આપશે.
• અમે આઈઆઈટીની જેમ રાજસ્થાન ઈન્સ્ટીટ્યુટ ઑફ ટેકનોલૉજી અને એઈમ્સની જેમ રાજસ્થાન ઈન્સ્ટીટ્યુટ ઑફ મેડિકલ સાયન્સની સ્થાપના કરીશું.
• આગામી પાંચ વર્ષમાં રાજસ્થાનના યુવાનોને 2.5 લાખ સરકારી નોકરીઓ આપશે. રાજસ્થાનમાં 15 હજાર ડોક્ટરો અને 20 હજાર પેરા મેડિકલ સ્ટાફની નવી નિમણૂક કરવામાં આવશે.
• માનગઢ ધામને રાજસ્થાનમાં એક ભવ્ય આદિવાસી સ્થળ તરીકે વિકસાવવામાં આવશે.
• કોંગ્રેસના શાસન દરમિયાન ખેડૂતોની હરાજી કરાયેલી જમીન માટે અમે ખેડૂતોને યોગ્ય વળતર આપવા માટે વળતરની નીતિ લાવશું.
• દરેક જિલ્લામાં મહિલા પોલીસ સ્ટેશન અને દરેક પોલીસ સ્ટેશનમાં મહિલા ડેસ્ક અને તમામ મોટા શહેરોમાં એન્ટિ રોમિયો સ્ક્વોડની રચના કરવામાં આવશે.

• લઘુત્તમ ટેકાના ભાવ પર બોનસ આપીને 2700 રૂપિયા પ્રતિ ક્વિન્ટલના ભાવે ઘઉંની ખરીદી કરશે.
• રાજસ્થાનના ગરીબ પરિવારોની તમામ વિદ્યાર્થિનીઓને KG થી PG સુધી મફત ગુણવત્તાયુક્ત શિક્ષણ પ્રદાન કરશે.
• લખપતિ દીદી યોજના હેઠળ 6 લાખથી વધુ ગ્રામીણ મહિલાઓને કૌશલ્યની તાલીમ આપવામાં આવશે.
• દરેક બેઘર વ્યક્તિને ઘર આપવા માટે પીએમ આવાસ યોજનાની સાથે સીએમ આવાસ યોજના પણ શરૂ કરવામાં આવશે.
• આર્થિક રીતે નબળા પરિવારોના વિદ્યાર્થીઓને ગણવેશ વગેરે માટે રૂ. 1200ની વાર્ષિક સહાય આપશે.
• 40 હજાર કરોડના રોકાણ સાથે ભામાશાહ હેલ્થ ઈન્ફ્રાસ્ટ્રક્ચર મિશન શરૂ કરશે.
• પેપર લીક, ખાતર, મિડ-ડે મીલ, ખાણકામ, પીએમ હાઉસિંગ, જન જીવન મિશન વગેરે જેવા કૌભાંડોની તપાસ માટે SITની રચના કરવામાં આવશે.
• શેખાવતી, ધુંધાર, બ્રજ, હડોટી, મેવાડ, મારવાડ, અજમેર અને બિકાનેરમાં રૂ. 800 કરોડના રોકાણ સાથે પ્રાદેશિક હેરિટેજ કેન્દ્રોની સ્થાપના કરવામાં આવશે.
• ટુરિઝમ સ્કીલ ફંડ બનાવીને અમે 5 લાખ યુવાનોને તાલીમ આપીશું અને રોજગાર અને સ્વરોજગારની તકો પૂરી પાડીશું.
• પ્રધાનમંત્રી ગરીબ કલ્યાણ યોજનાના લાભાર્થીઓને પાંચ વર્ષ સુધી મફત રાશન આપશે.

જેપી નડ્ડાએ મેનિફેસ્ટો પર શું કહ્યું?

રાજસ્થાન વિધાનસભા ચૂંટણી 2023 માટે ભાજપનો ઢંઢેરો જાહેર કરતા રાષ્ટ્રીય અધ્યક્ષ જેપી નડ્ડાએ કહ્યું કે, ''અન્ય પક્ષો માટે ઢંઢેરો અથવા વિઝન ડોક્યુમેન્ટ માત્ર એક ઔપચારિકતા છે, પરંતુ ભાજપ માટે તે વિકાસનો રોડમેપ છે. તેથી આ 'સંકલ્પ પત્ર' માત્ર એક પાના પર લખેલા શબ્દો નથી, પરંતુ અમે તેને પૂર્ણ કરવા માટે પ્રતિબદ્ધ છીએ."

English summary

Rajasthan Election 2023: BJP announced its manifesto for Rajasthan assembly Election