રાજસ્થાનની હાઇકોર્ટે કહ્યું ગાયને રાષ્ટ્રીય પ્રાણી જાહેર કરે સરકાર
ગૌહત્યાના મામલે હવે રાજસ્થાનમાં એક નવો વળાંક આવ્યો છે. રાજસ્થાનની હાઇકોર્ટે ગાયને રાષ્ટ્રીય પ્રાણી જાહેર કરવાની વાત કરી છે. વિગતવાર જાણો કેમ?
બહુચર્ચીચ હિંગોનિયા ગૌશાળા મામલે સુનવણી કરતા રાજસ્થાન હાઇકોર્ટે આજે એક મહત્વનો નિર્ણય લીધો છે. રાજસ્થાનની હાઇકોર્ટે સરકારને ગાયને રાષ્ટ્રીય પ્રાણી જાહેર કરવાનું જણાવ્યું છે. એટલું જ નહીં, રાજસ્થાન હાઇકોર્ટે ગૌહત્યા કરનારાની સજા વધુ સખત કરવાની વાત પણ કરી છે. હાઇકોર્ટે જણાવ્યું છે કે ગૌહત્યા કરનાર પર આજીવન કારાવાસની સજા સરકાર દ્વારા કાનૂનમાં સામેલ કરવામાં આવે.
ઉલ્લેખનીય છે કે રાજસ્થાનમાં ગૌહત્યા પર 10 વર્ષની સજા થઇ શકે છે. અને 10,000 સુધીનો દંડ પણ ભરવો પડે છે. સાથે બળને પણ અહીં મારવાની મનાઇ છે. ઉલ્લેખનીય છે કે હાલમાં ગુજરાતમાં પણ ગૌહત્યા મામલે કડક નિયમો સરકાર દ્વારા દાખલ કરવામાં આવ્યા છે. ત્યારે ગુજરાત બાદ પડોશી રાજ્ય રાજસ્થાનમાં પણ ગૌહત્યા મામલે આજીવન કારાવાસની માંગ ઊઠી છે.
Click it and Unblock the Notifications
Sign in with Google
