રશિયાના રાષ્ટ્રપતિ પુતિન 6 ડિસેમ્બરે ભારત આવશે, 21મી ભારત-રશિયા વાર્ષિક સમિટમાં ભાગ લેશે!
રશિયાના રાષ્ટ્રપતિ વ્લાદિમીર પુતિન આવતા મહિને ભારતની મુલાકાતે આવશે. તેઓ 6 ડિસેમ્બરે રાજધાની દિલ્હી પહોંચશે. ભારતની મુલાકાત દરમિયાન પુતિન ઘણી મહત્વપૂર્ણ બેઠકો અને સમજૂતીઓનો હિસ્સો બનશે.
નવી દિલ્હી, 26 નવેમ્બર : રશિયાના રાષ્ટ્રપતિ વ્લાદિમીર પુતિન આવતા મહિને ભારતની મુલાકાતે આવશે. તેઓ 6 ડિસેમ્બરે રાજધાની દિલ્હી પહોંચશે. ભારતની મુલાકાત દરમિયાન પુતિન ઘણી મહત્વપૂર્ણ બેઠકો અને સમજૂતીઓનો હિસ્સો બનશે. અહીં તેઓ પીએમ નરેન્દ્ર મોદી સાથે 21મી ભારત-રશિયા વાર્ષિક સમિટમાં ભાગ લેશે. આ સાથે બંને દેશો વચ્ચેના સંબંધોને વધુ મજબૂત કરવા માટે પણ વાતચીત કરવામાં આવશે. વિદેશ મંત્રાલયના પ્રવક્તા અરિંદમ બાગચીએ શુક્રવારે આ માહિતી આપી છે.
વિદેશ મંત્રાલયના પ્રવક્તા અરિંદમ બાગચીએ શુક્રવારે તેમની પ્રેસ કોન્ફરન્સમાં જણાવ્યું હતું કે, વ્લાદિમીર પુતિન દિલ્હીમાં 21મી ભારત-રશિયા વાર્ષિક સમિટમાં ભાગ લેશે. આ સમિટમાં વડાપ્રધાન નરેન્દ્ર મોદી પણ સામેલ થશે. કોરોના મહામારીના કારણે આ વાર્ષિક સમિટ ગત વર્ષ (2020)માં યોજાઈ શકી ન હતી. આવી સ્થિતિમાં આ વર્ષે આ કોન્ફરન્સમાં પ્રાદેશિક અને આંતરરાષ્ટ્રીય મુદ્દાઓ પર ચર્ચા કરવામાં આવશે. રશિયન એમ્બેસીએ જણાવ્યું છે કે રશિયાના રાષ્ટ્રપતિ વ્લાદિમીર પુતિન 6 ડિસેમ્બર 2021ના રોજ ભારતની મુલાકાતે આવશે. તેઓ પીએમ નરેન્દ્ર મોદી સાથેની વાતચીતમાં બંને દેશો વચ્ચે વ્યૂહાત્મક ભાગીદારી અને સંબંધોને વધુ મજબૂત કરવા પર ચર્ચા કરશે.
વિદેશ મંત્રાલયના પ્રવક્તાએ કહ્યું છે કે 6 ડિસેમ્બરે ભારત અને રશિયાના વિદેશ અને સંરક્ષણ મંત્રીઓ વચ્ચે પ્રથમ 2+2 સંવાદ પણ દિલ્હીમાં થશે. આ બેઠકમાં ભારત તરફથી વિદેશ મંત્રી એસ જયશંકર અને રક્ષા મંત્રી રાજનાથ સિંહ હાજર રહેશે. રશિયાના વિદેશ મંત્રી સર્ગેઈ લવરોવ અને સંરક્ષણ મંત્રી સર્ગેઈ શોઈગુ હાજરી આપશે. રશિયાના બંને મંત્રી 5 ડિસેમ્બરે ભારત પહોંચશે.
Click it and Unblock the Notifications
Sign in with Google
