નવાબ મલિકના આરોપો પર સમીર વાનખેડેએ આપી સફાઇ, કહ્યું- લીગલ એક્શન લઇશ
મુંબઈ ડ્રગ્સ કેસ પ્રકાશમાં આવ્યા બાદ મહારાષ્ટ્ર સરકાર અને નાર્કોટિક્સ કંટ્રોલ બ્યુરો (NCB) સામસામે આવી ગયા છે. મહારાષ્ટ્રના મંત્રી અને એનસીપીના નેતા નવાબ મલિકે ગુરુવારે ફરી એનસીબી ઝોનલ ડિરેક્ટર સમીર વાનખેડે પર પ્રહાર કરત
મુંબઈ ડ્રગ્સ કેસ પ્રકાશમાં આવ્યા બાદ મહારાષ્ટ્ર સરકાર અને નાર્કોટિક્સ કંટ્રોલ બ્યુરો (NCB) સામસામે આવી ગયા છે. મહારાષ્ટ્રના મંત્રી અને એનસીપીના નેતા નવાબ મલિકે ગુરુવારે ફરી એનસીબી ઝોનલ ડિરેક્ટર સમીર વાનખેડે પર પ્રહાર કરતા કહ્યું કે, તેઓ અને તેમનો પરિવાર દુબઈ અને માલદીવમાં હતા જ્યારે ભારતીય ફિલ્મ ઉદ્યોગના ઘણા સ્ટાર્સ રોગચાળા દરમિયાન ત્યાં હતા. હવે આ અંગે NCB તરફથી નિવેદન આવ્યું છે.
NCB એ સમીર વાનખેડે વિશે સોશિયલ મીડિયા પર ફેલાયેલી માહિતી અંગે એક પ્રેસ નોટ જારી કરી હતી. પ્રેસનોટમાં લખ્યું છે કે, "સમીર વાનખેડેના મુંબઈ ઝોનલ યુનિટ વિશે કેટલીક ખોટી માહિતી સોશિયલ મીડિયા પર શેર કરવામાં આવી છે. નાર્કોટિક્સ કંટ્રોલ બ્યુરોએ આગળ લખ્યું છે કે, સમીર વાનખેડે 31 ઓગસ્ટ 2020 ના રોજ IRS ને લોન ધોરણે NCB માં જોડાયા હતા અને ત્યારબાદ તેણે દુબઈ રજા માટે કોઈ અરજી સબમિટ કરી ન હતી.
NCB એ વધુમાં જણાવ્યું હતું કે સક્ષમ અધિકારીની મંજૂરી મુજબ સમીર વાનખેડે તેના પરિવાર સાથે માલદીવ માટે રજા લીધી હતી. NCB DDG અશોક મુથા જૈને સમીર વાનખેડેની માલદીવ, દુબઈની મુલાકાત અંગે જણાવ્યું હતું કે, NCB માં જોડાયા બાદ દુબઈ જવા માટે તેમની (સમીર વાનખેડે) તરફથી કોઈ અરજી આવી નથી. તેણે પોતાના પરિવાર સાથે માલદીવ જવાની પરવાનગી માંગી હતી.
આ આક્ષેપો પર, NCB ઝોનલ ડિરેક્ટર સમીર વાનખેડેએ કહ્યું કે, હું તેની નિંદા કરું છું. આ ખોટી માહિતી છે. હું ડિસેમ્બરમાં મુંબઈમાં હતો, તે સમયે તેમણે આરોપ લગાવ્યો કે હું દુબઈમાં છું. તે ચેક કરી શકાય છે. હું તેમની નિંદા કરું છું. આ એક ખોટો આરોપ છે 'ખંડણી' શબ્દ ઘૃણાસ્પદ શબ્દ છે. હું સક્ષમ અધિકારીની પરવાનગીથી માલદીવ ગયો હતો. હું મારા બાળકો અને પરિવાર સાથે સરકારની પરવાનગી સાથે ગયો હતો. જો તેઓ આને ખંડણી કહે તો તે સ્વીકાર્ય નથી.
નવાબ મલિક તરફથી સમીર વાનખેડેની દુબઈ મુલાકાતના પુરાવા જોયા બાદ તેમણે કહ્યું કે, આ મુંબઈની તસવીરો છે. હું મુંબઈમાં હતો. સાંચને કોઇ ચીજની આંચ નથી આવતી. હું ક્યાં હતો તે શોધો, એરપોર્ટ પરથી ડેટા મેળવો. મારા પાસપોર્ટ અને વિઝા દ્વારા દરેક વસ્તુની ચકાસણી કરો. હું ક્યારેય દુબઈ ગયો નથી, પછી ભલે તે ગમે તેટલું કહે. વ્યક્તિ ક્યાં છે તેની તપાસ કરવા માટે તંત્ર છે. તેથી, આ સંપૂર્ણપણે ખોટું છે. હું ક્યારેય મારી બહેન સાથે દુબઈ ગયો નથી - તે તારીખ અને સમય દરમિયાન શું ઉલ્લેખ કરે છે. તેથી, આ ખોટું છે અને સંપૂર્ણપણે નિંદનીય છે.
Click it and Unblock the Notifications
Sign in with Google
