ગટરના પાણીથી નાળિયેરને રાખતો હતો ઠંડા, વીડિયો વાયરલ થયા બાદ પોલીસે પકડ્યો
Greater Noida News: ઉનાળામાં ડીહાઈડ્રેશનથી બચવા માટે લોકો નાળિયેર પાણીનુ સેવન કરતા હોય છે. રસ્તામાં જ્યાં પણ નાળિયેર પાણીની ગાડી કે સ્ટોલ જોવા મળે આપણે રોકાઈ જઈએ છીએ. પરંતુ આ સમાચાર વાંચ્યા પછી હવે તમે નાળિયેર પાણી લેતા અને પીતા પહેલા તમે સો વાર વિચાર કરશો.
સોશિયલ મીડિયા પર નાળિયેર પાણી વેચતા એક વ્યક્તિનો વીડિયો ઝડપથી વાયરલ થઈ રહ્યો છે. વાયરલ વીડિયોમાં એક આ વ્યક્તિ નાળિયેર 'તાજા' અને 'સ્વચ્છ' રાખવા માટે તેના પર ગટરનું પાણી છાંટી રહ્યો છે. સોશિયલ મીડિયા પર વીડિયો સામે આવ્યા બાદ પોલીસે આ વ્યક્તિની ધરપકડ કરી હતી.
જુઓ વીડિયો...
ग्रेटर नोएडा वेस्ट का एक वीडियो वायरल है जिसमे समीर नाम का युवक नाले का पानी नारियल पानी पर डालता हुआ दिखाई दे रहा है। वीडियो का संज्ञान लेते हुए बिसराख थाना पुलिस ने आरोपी को गिरफ्तार कर लिया है @noidapolice#VideoViral pic.twitter.com/t22OhBM3WT
— Amit Choudhary (@amitchoudhar_y) June 6, 2023
સોશિયલ મીડિયા પર વાયરલ થયેલો આ વીડિયો 25 સેકન્ડનો છે અને તે બિસરખ પોલીસ સ્ટેશન વિસ્તારની શ્રી રાધા સ્કાય ગાર્ડન સોસાયટીની બહારનો હોવાનું કહેવાય છે. રિપોર્ટ્સ મુજબ સમીર નામનો એક વ્યક્તિ ઘણા સમયથી સોસાયટીની બહાર નાળિયેર પાણી વેચતો હતો. સોશિયલ મીડિયા પર તેનો એક વીડિયો સામે આવ્યો છે, જેમાં તે નાળિયેર પર ગટરનું પાણી છાંટી રહ્યો હતો.
જોકે, સોશિયલ મીડિયા પર વાયરલ થયેલો આ વીડિયો ક્યારેનો છે તેની પુષ્ટિ થઈ શકી નથી. પરંતુ, આ વીડિયો હાલમાં જ સોશિયલ મીડિયા પર વાયરલ થયો છે. વાયરલ થયેલા વીડિયોમાં સ્પષ્ટ જોઈ શકાય છે કે નાળિયેર વેચનાર પાછળથી વહેતા નાળામાંથી પ્લાસ્ટિકના બૉક્સમાં પાણી ભરે છે અને પછી તે પાણી લારીમાં રાખેલા નાળિયેર પર છાંટે છે.
આ દરમિયાન ત્યાં હાજર એક વ્યક્તિએ પોતાના મોબાઈલ ફોનથી આ આખી ઘટનાનુ વીડિયો રેકોર્ડિંગ કર્યું, જે હવે સોશિયલ મીડિયા પર વાયરલ થઈ રહ્યું છે. આ વીડિયો સોશિયલ મીડિયા પર વાયરલ થયા બાદ પોલીસે મામલાની નોંધ લીધી અને આરોપી નાળિયેર પાણી વેચનાર વ્યક્તિની ધરપકડ કરી.
આ અંગે બિસરાખ પોલીસ સ્ટેશનના ઈન્ચાર્જ અનિલ રાજપૂતે જણાવ્યું કે સોશિયલ મીડિયા પર એક વીડિયો વાયરલ થયો છે, જેમાં નાળિયેર પાણી વેચનાર પોતાની લારીમાં રાખેલા નાળિયેરને ગંદા પાણીથી ધોતો જોવા મળે છે. પોલીસે તાત્કાલિક કાર્યવાહી કરીને આરોપીની ધરપકડ કરી હતી.
પોલીસના જણાવ્યા અનુસાર, ધરપકડ કરાયેલા વ્યક્તિનું નામ સમીર છે અને તે બરેલીના તિગડી ગામનો રહેવાસી છે. નોઈડામાં સ્કાય ગાર્ડન સોસાયટી પાસેની ઝૂંપડપટ્ટીમાં પરિવાર સાથે રહે છે. સમીર વિરુદ્ધ આઈપીસીની કલમ 270, 504 હેઠળ ગુનો નોંધવામાં આવ્યો છે.
-
Women Reservation Amendment Bill: નારી શક્તિ વંદન અધિનિયમ લોકસભામાં બોલશે પીએમ મોદી, 33% અનામત પર થશે ચર્ચા -
ભારતને મળ્યા તેના પ્રથમ 'વર્કપ્લેસ હેપ્પીનેસ એવોર્ડ્સ', ઉદ્યોગના દિગ્ગજો દ્વારા નેતૃત્વ -
લેન્સેટના અભ્યાસમાં ચોંકાવનારો ખુલાસો, 2023માં 1.3 અબજ લોકો લિવરની બીમારીના શિકાર બન્યા -
ટ્રમ્પે પશ્ચિમ એશિયાના સંકટ અંગે પીએમ મોદીને અપડેટ કર્યા અને દ્વિપક્ષીય સંબંધોને મજબૂત બનાવ્યા -
Samay Raina Caste: સ્ટેન્ડ-અપ કૉમેડિયન સમય રૈનાના જાતિ-ધર્મ શું છે? ખુદને 'મૃતદેહ' જેવો કેમ કહ્યો? -
Putin India Visit: એક વર્ષમાં બીજીવાર ભારત આવી રહ્યા છે પુતિન, પશ્ચિમી દેશોની ઉંઘ ઉડી -
દૂન લિટ ફેસ્ટ દેહરાદૂનમાં સાહિત્ય, સિનેમા, ઇતિહાસ, નેતૃત્વ અને ટેક્નોલોજીને એકસાથે લાવે છે -
લોકસભા સીટ 850 કરવાનો પ્લાનઃ પરિસીમન શું છે? North Vs South વિવાદ વકર્યો, વિપક્ષ કેમ વિરોધ કરે છે- Explain -
Weather Update: દેશના 11 રાજ્યોમાં ભારે વરસાદ અને વાવાઝોડાની આગાહી -
ગુજરાત હાઈકોર્ટે AI ના દુરુપયોગ અને ડીપફેક નિયમન અંગે મેટા, ગૂગલ અને એક્સને નોટિસ ફટકારી -
Weather Update: આસામ-બંગાળ સહિત 13 રાજ્યોમાં આંધી-તોફાનની આગાહી -
અમેરિકા-ઈરાન તણાવ વચ્ચે પશ્ચિમ એશિયા સંકટ પર ઇઝરાયલી સમકક્ષ સાથે વિદેશ મંત્રી જયશંકરની વાતચીત
Click it and Unblock the Notifications
Sign in with Google
