મુંબઈમાં શ્રદ્ધા વૉકર જેવો કાંડ, બૉયફ્રેન્ડે ગર્લફ્રેન્ડને પાણીની ટાંકી પરથી માર્યો ધક્કો

દેશના ચકચારી શ્રદ્ધા વૉકર હત્યાકાંડ જેવો જ એક કેસ મુંબઈથી સામે આવ્યો છે.

Shraddha Murder like case in Mumbai: દેશના ચકચારી શ્રદ્ધા વૉકર હત્યાકાંડ જેવો જ એક કેસ મુંબઈથી સામે આવ્યો છે. અહીં એક પ્રેમીએ તેની પ્રેમિકાની હત્યા કરવાની કોશિશ કરી. પોલીસે જણાવ્યુ કે બંને પ્રેમી યુગલ બીપીઓમાં કામ કરે છે. પીડિતા પ્રિયાંગી સિંહે જણાવ્યુ કે રવિવારે સવારે તેના પ્રેમી અમેય દરેકરે તેને પાણીની ટાંકી પરથી ધક્કો મારી દીધો. દારુના નશામાં મારપીટ કરીને તેને પાણીની ટાંકી પરથી ધક્કો માર્યો. પોલીસે આરોપીની ધરપકડ કરી લીધી છે.

25 વર્ષીય પ્રિયાંગી સિંહે દહિસર પોલીસને જણાવ્યુ હતુ કે તેના બૉયફ્રેન્ડે તેને ચેક નાકા પાસે લા બેલેઝા બિલ્ડિંગની પાણીની ટાંકી પરથી ધક્કો માર્યો હતો. આરોપી અમેય દરેકરે કહ્યુ કે પ્રિયાંગી પાણીની ટાંકીથી 18 ફૂટ 15માં માળના ટેરેસ પર પડી ગઈ. જેના કારણે તેને ગંભીર ઈજા થઈ હતી. પોલીસે આરોપીની ધરપકડ કરીને તેને બોરીવલી કોર્ટમાં રજૂ કર્યો હતો. આ પછી તેને 5 દિવસની પોલીસ કસ્ટડીમાં મોકલવામાં આવ્યો હતો. આરોપી બોરીવલી (વેસ્ટ)નો રહેવાસી છે.

પોલીસે અમેય દરેકરના મિત્ર લા બેલેઝાના રહેવાસી દેવેશ લાડને પણ સમન્સ પાઠવ્યુ છે. કપલ તે દિવસે તેને મળ્યા હતા. તેઓ એ એગ્રીગેટર કેબ વિશે માહિતી એકત્રિત કરી રહ્યા છે જેને દરેકરે પહેલા ઘાયલ પ્રિયાંગીને બોરીવલી સ્થિત તેના ફ્લેટ સુધી પહોંચાડવા માટે ભાડે લીધી હતી અને બાદમાં જ્યારે તે અને તેની માતા રાધિકા તેને રવિવારે સવારે 8 વાગે તેના મલાડના ઘરે મૂકવા ગયા હતા. ડીસીપી (ઝોન XII) સ્મિતા પાટીલ દહિસર પોલીસના સિનિયર ઈન્સ્પેક્ટર પ્રવીણ પાટીલ, ઈન્સ્પેક્ટર રામ પોટેની ટીમની દેખરેખ કરી રહ્યા છે.

English summary

Shraddha Walker-like case in Mumbai, boyfriend pushes girlfriend from water tank