'પુત્ર તો પાછો આપી નહી શકું પરંતુ પુત્રની ફરજ નિભાવીશ'

લખનઉ, 20 માર્ચ: ઉત્તર પ્રદેશના રાજકારણમાં તોફાન લાવનાર પ્રતાપગઢ હત્યાકાંડમાં શહીદ થયેલા પોલીસ ઉપાધ્યક્ષ જિયા-ઉલ-હકની પત્નીને રાજ્ય સરકાર દ્રારા આપવામાં આવેલી નોકરીને સ્વિકાર કરતાં ડીજીપી કાર્યાલયમાં વિશેષ અધિકારી (પોલીસ કલ્યાણ)નું પદ સંભાળી લીધું છે.

પોલીસ મહાનિરીક્ષક (કાનૂન-વ્યવસ્થા) વિશ્વકર્માએ સંવાદદાતાઓને જણાવ્યું હતું કે પ્રતાપગઢના કુંડા પોલીસ વિસ્તારના ડીએસપી જિયા-ઉલ-હકની પત્ની પરવીન આઝાદે પોલીસ ડીજીપી કાર્યાલય લખનઉમાં વિશેષ અધિકારી (પોલીસ કલ્યાણ)નું પદ સંભાળી લીધું છે.

આ પહેલાં પરવીન આઝાદે રાજ્ય સરકાર દ્રારા વિશેષ અધિકારી (પોલીસ કલ્યાણ)ની નોકરીને નકારી કાઢી હતી તેમને પોતાના પતિનું પદ એટલે કે ડીએસપીના પદથી નીચું પદ મંજૂર ન હતું. તેમને પુછવામાં આવ્યું હતું કે શું જિયા-ઉલ-હકના ભાઇ સોહરાબે સરકાર દ્રારા પ્રસ્તાવિત નોકરી પર નિયુક્તિ લઇ લીધી છે, વિશ્વકર્માએ કહ્યું હતું કે તેમને આ અંગે જાણકારી નથી.

અત્રે ઉલ્લેખનીય છે કે ગત બે માર્ચના રોજ પ્રતાપગઢના કુંડા સ્થિત બલીપુર ગામમાં સરપંચ નન્હે યાદવની હત્યા બાદ ઘટનાસ્થળે પહોંચેલા ડીએસપી જિયા-ઉલ-હકની હત્યા કરવામાં આવી હતી. ઘટનાસ્થળેથી મૃતક સરપંચ અને તેમના ભાઇ સુરેશ લાશ મળી આવી હતી. આ ઘટનાથી રાજકીય તોફાન આવી ગયું હતું. જિયા-ઉલ-હકની હત્યાનું કાવતરું ઘડવાના આરોપ રઘુરાજ પ્રતાપ સિંહ પર લગાવવામાં આવ્યો હતો અને ત્યાર તેમને મંત્રીપદેથી રાજીનામું આપવું પડ્યું હતું.

English summary

Wife of slain DSP Zia-Ul-Haq, who was shot dead in Pratapgarh on March 2, has joined as an officer on special duty, a post offered to her on compassionate grounds.