Small Box India poll: કર્ણાટકમાં કોંગ્રેસને સ્પષ્ટ બહુમત, જાણો ભાજપ અને જેડીએસને કેટલી મળશે સીટો

Karnataka Assembly Elections 2023: 10મેના રોજ યોજાનાર કર્ણાટક વિધાનસભા ચૂંટણીને લઈને સ્મૉલ બૉક્સ ઈન્ડિયા(Small Box India polls)એ ઓપિનિયન પોલ જાહેર કર્યો છે. જેમાં કોંગ્રેસને સ્પષ્ટ બહુમત સાથે રાજ્યમાં સરકાર બનાવવાનુ અનુમાન કરવામાં આવ્યુ છે. વળી, ભાજપ બીજા નંબરનો પક્ષ બનવાનુ અનુમાન છે. તમને જણાવી દઈએ કે સ્મૉલ બૉક્સ ઈન્ડિયા એ એક જૂથ છે જે ભારતની તમામ ચૂંટણીઓને આવરી લે છે.

આ સાથે, જૂથ ઓપિનિયન પોલ, રાજકીય અપડેટ્સ અને ચૂંટણી પરિણામો પર પણ નજર રાખે છે. કર્ણાટક વિધાનસભા ચૂંટણીને લઈને સ્મૉલ બૉક્સ ઈન્ડિયાના ઓપિનિયન પોલ અનુસાર આ વખતે રાજ્યમાં કોંગ્રેસને બહુમતી મળી શકે છે. જ્યારે ભાજપને આ વખતે ઘણી બેઠકો ગુમાવવી પડી શકે છે. જૂથના અભિપ્રાય મુજબ મતદાનના પરિણામો નીચે મુજબ છે -

કોંગ્રેસ - 118-129

ભાજપ - 65-70

જેડીએસ - 28-32

અન્ય - 1-3

સ્મૉલ બૉક્સ ઈન્ડિયાએ અગાઉ તાજેતરમાં યોજાયેલી ગુજરાત અને હિમાચલ પ્રદેશની ચૂંટણીઓ અંગે એક પોલ જાહેર કર્યુ હતુ. જૂથ દ્વારા કરાયેલા અંદાજો બંને રાજ્યોમાં સચોટ હોવાનુ જણાયુ હતુ. સ્મૉલ બૉક્સ ઈન્ડિયાએ દિલ્લીમાં યોજાનારી ચૂંટણીને લઈને પણ સચોટ આગાહી કરી હતી. વાસ્તવમાં કર્ણાટકમાં વિધાનસભા ચૂંટણીની તારીખ જાહેર થઈ ગઈ છે.

રાજ્યમાં 10 મેના રોજ મતદાન થશે અને 13 મેના રોજ પરિણામ આવશે. આવી સ્થિતિમાં ઘણી એજન્સીઓએ ચૂંટણીને લઈને ઓપિનિયન પોલ જાહેર કર્યા છે. જે મુજબ આ વખતે રાજ્યમાં કોંગ્રેસની સરકાર પૂર્ણ બહુમતી સાથે આવવાની આગાહી કરવામાં આવી છે.

English summary

Small Box India poll: Congress will get huge majority in Karnataka, know the seats of BJP and JDS.