સોશિયલ મિડિયા - ઓટીટી પ્લેટફોર્મને લઇ નવા નિયમો જાહેર, 36 કલાક પહેલા હટાવવુ પડશે વિવાદીત કંટેટ
કેન્દ્ર સરકારે સોશિયલ મીડિયા કંપનીઓ, ઓટીટી પ્લેટફોર્મ્સ, ઇન્ટરનેટ આધારિત વ્યવસાયો અને ડિજિટલ ન્યૂઝ આઉટલેટ્સને લગતા નવા નિયમો નક્કી કર્યા છે. કેન્દ્રીય માહિતી અને પ્રસારણ પ્રધાન રવિશંકર પ્રસાદે એક પ્રેસ કોન્ફરન્સમાં કહ્યુ
કેન્દ્ર સરકારે સોશિયલ મીડિયા કંપનીઓ, ઓટીટી પ્લેટફોર્મ્સ, ઇન્ટરનેટ આધારિત વ્યવસાયો અને ડિજિટલ ન્યૂઝ આઉટલેટ્સને લગતા નવા નિયમો નક્કી કર્યા છે. કેન્દ્રીય માહિતી અને પ્રસારણ પ્રધાન રવિશંકર પ્રસાદે એક પ્રેસ કોન્ફરન્સમાં કહ્યું કે, સોશિયલ મીડિયા કંપનીઓ ભારતમાં વેપાર કરવા માટે આવકાર્ય છે, પરંતુ સોશિયલ મીડિયાના દુરૂપયોગ અંગે જવાબદારી પણ જરૂરી છે અને આ માટે સરકારે ડ્રાફ્ટ નિયમો તૈયાર કર્યા છે. નવા નિયમો હેઠળ ફેસબુક અને ટ્વિટર જેવી સોશ્યલ મીડિયા કંપનીઓને કોઈપણ સરકાર કે કાનૂની આદેશ મળ્યા પછી વહેલી તકે (36 કલાક પહેલા) પ્લેટફોર્મ પરથી સામગ્રીને દૂર કરવાની રહેશે.
નવા ડ્રાફ્ટ મુજબ, જો વિવાદિત હોય તેવી કોઈપણ સામગ્રી અંગે ફરિયાદ દાખલ કરવામાં આવે છે, તો આ કંપનીઓએ સંબંધિત તપાસ અધિકારીઓના સહયોગ માટે 72 કલાકની અંદર બધી જરૂરી માહિતી પૂરી પાડવી પડશે. વળી, જો સોશ્યલ મીડિયા પરની પોસ્ટમાં કોઈ વ્યક્તિ સેક્સુઅલ એક્ટમાં બતાવે છે, તો કંપનીઓ ફરિયાદ પ્રાપ્ત થયાના એક દિવસની અંદર આવી પોસ્ટ હટાવવી પડશે.
તમને જણાવી દઈએ કે તાજેતરના ખેડૂત આંદોલન દરમિયાન સરકાર અને ટ્વિટર વચ્ચે કેટલાક વિવાદિત સામગ્રીને દૂર કરવા અંગે વિવાદ થયો હતો, ત્યારબાદ સરકારે આ મુસદ્દાના નિયમો તૈયાર કર્યા છે. સરકારે નક્કી કરેલા નવા નિયમો 'આઈટી રૂલ્સ -2011' ને બદલશે. સરકાર સાથે સંકળાયેલા સૂત્રોએ જણાવ્યું હતું કે, આ ફેરફાર ફક્ત આઇટી નિયમોમાં કરવામાં આવ્યો છે, આઇટી એક્ટમાં નહીં, તેથી સંસદની દખલ આમાં જરૂરી રહેશે નહીં.
આ પણ વાંચો: પશ્ચિમ બંગાળમાં બીજેપી અધ્યક્ષ જેપી નડ્ડાએ શરૂ કરી સોનાર બાંગ્લા અભિનયની શરૂઆત, કહ્યું- પાર્ટી બંગાળના ગૌરવ
Click it and Unblock the Notifications
Sign in with Google
