Video: સુપ્રીમ કોર્ટને ઉડાવવાની મળી ધમકી, સુરક્ષામાં કરાયો વધારો

નવી દિલ્હી, 18 ઓગસ્ટ: દેશના લોકતાંત્રિક મંદિર સંદદ પર એક વાર તો આતંકવાદીઓ દ્વારા હુમલો કરવામાં આવ્યો હતો, પરંતુ સેનાના ઓપરેશને તેમના નાપાક ઇરાદાઓને નિષ્ફળ બનાવ્યા હતા. પરંતુ આ વખતે દેશની સર્વોચ્ચ અદાલત સુપ્રીમ કોર્ટ પર હુમલાની ધમકી મળવાથી ચકચાર મચી ગઇ છે.

સુપ્રીમ કોર્ટને એક ધમકી ભર્યો ઇમેઇલ મળ્યો છે. આ ઇમેઇલમાં કોર્ટને ઉડાવવાની ધમકી આપી દેવામાં આવી છે. ત્યારબાદથી કોર્ટમાં સુરક્ષા કડક કરી દેવામાં આવી છે. 1993 મુંબઇ બ્લાસ્ટ મામલામાં દોષી યાકૂબ મેમનની ફાંસીને રોકવાથી ઇનકાર કરનારા જસ્ટિસ દીપક મિશ્રાને પણ એક ધમકીભર્યો પત્ર મળ્યો હતો.

આ પત્ર દિલ્હીમાં જજના ઘરની પાછળ મળી આવ્યો હતો. અંદાજો લગાવવામાં આવ્યો છે કે તેને કોઇએ દીવાલની પાછળથી ફેંકી હશે જે સીસીટીવી કેમેરાથી બહાર છે. આ પત્રમાં એક નાનકડો સંદેશ લખ્યો છે, જે આ પ્રમાણે છે- 'તમામ સુરક્ષા હોવા છતા અમે તમને ખતમ કરી દઇશું.'

જુઓ વીડિયો...

English summary

The Supreme Court has received an anonymous email threatening that it will be blown up, say sources. Anti-sabotage checks have been increased in the court since the mail, which came last weekend.