ચંદીગઢ મેયર ચૂંટણી કેસમાં સુપ્રીમ કોર્ટે બેલેટ પેપર મંગાવ્યા, ભ્રષ્ટ અનિલ મસીહ પર કાર્યવાહીના આદેશ
ચંદીગઢ મેયર ચૂંટણીમાં બીજેપી દ્વારા ગેરરીતિને લઈને સુપ્રીમ કોર્ટે જવાબદારોનો ઉધડો લીધો છે. કોર્ટે તમામ બેલેટ પેપર કોર્ટમાં રજુ કરવા આદેશ કર્યા છે.
ચંદીગઢ ચૂંટણીમાં ધાંધલીને લઈને આજે સુપ્રીમ કોર્ટમાં સુનાવણી હાથ ધરવામાં આવી હતી. સુપ્રીમ કોર્ટે મેયરની ચૂંટણી માટે બેલેટ પેપર મંગાવ્યા છે અને આ મામલે મંગળવારે બપોરે 2 વાગ્યે ફરી સુનાવણી થશે.
સુનાવણી દરમિયાન સુપ્રીમ કોર્ટે કહ્યું કે તે ચૂંટણી બેલેટ પેપર પોતે જ જોશે. આ સાથે મતગણતરીનો સંપૂર્ણ વીડિયો પણ મંગાવવામાં આવ્યો છે. સુનાવણી દરમિયાન રિટર્નિંગ ઓફિસર અનિલ મસીહ પણ સુપ્રીમ કોર્ટમાં હાજર હતા.
સુપ્રીમ કોર્ટે કડક ટિપ્પણી કરતા કહ્યું કે, ચંદીગઢ મેયરની ચૂંટણીમાં રિટર્નિંગ ઓફિસર અનિલ મસીહ ચૂંટણી પ્રક્રિયામાં દખલ કરી રહ્યા હોવાથી તેમની સામે કાર્યવાહી થવી જોઈએ.
રિટર્નિંગ ઓફિસર અનિલ મસીહે કોર્ટ સમક્ષ કબૂલ્યું હતું કે તેણે બેલેટ પેપર પર નિશાન કર્યા હતા. અહીં તેમને માત્ર સહી કરવાની હતી.
બેન્ચે આજે સુપ્રીમ કોર્ટમાં હાજર થયેલા રિટર્નિંગ ઓફિસર અનિલ મસીહને પૂછ્યું કે શું તેમણે બેલેટ પેપર પર ક્રોસ માર્ક કર્યું છે કે નહીં. આ અંગે અનિલ મસીહે કહ્યું કે આમ આદમી પાર્ટીના મેયર ઉમેદવાર આવીને બેલેટ પેપર લઈને તેને ફાડીને ભાગી ગયો હોવાથી તેણે આવું કર્યું.
જ્યારે કોર્ટે મસીહને પણ પૂછ્યું કે તમે કેમ કેમેરા તરફ જોઈ રહ્યા હતા? આ અંગે અનિલ મસીહે કહ્યું કે, ત્યાં ઘણો અવાજ હતો અને ત્યાં ઘણા કેમેરા લગાવવામાં આવ્યા હતા. તેથી જ હું ત્યાં જોઈ રહ્યો હતો.
અનિલ મસીહના જણાવ્યા અનુસાર, તેણે 8 મતપત્રો પર X નિશાન કર્યા હતા. એટલું જ નહીં ચીફ જસ્ટિસે આ ચૂંટણીમાં હોર્સ ટ્રેડિંગ પર પણ ચિંતા વ્યક્ત કરી. કોર્ટે કહ્યું કે, અમને કહેવામાં આવ્યું છે કે ત્યાં પક્ષપલટાની ઘટનાઓ બની રહી છે. ટૂંક સમયમાં ચૂંટણી યોજવી જરૂરી છે.
સુપ્રીમ કોર્ટે કહ્યું કે, તે આ મામલે મંગળવારે ફરીથી સુનાવણી કરશે. કોર્ટે કહ્યું કે અમે મંગળવારે બપોરે 2 વાગ્યે ફરી સુનાવણી કરીશું અને અનિલ મસીહ પણ ઘટનાસ્થળે હાજર રહે.
આવતીકાલે સુપ્રિમ કોર્ટ બેલેટ પેપરની તપાસ કરશે અને તે પછી નવેસરથી ચૂંટણી યોજવામાં આવશે કે નહીં તે નક્કી કરવામાં આવશે. જણાવી દઈએ કે, સુનાવણીના એક દિવસ પહેલા 18 ફેબ્રુઆરીની મોડી સાંજે બીજેપી નેતા મનોજ સોનકરે ચંદીગઢના મેયર પદ પરથી રાજીનામું આપી દીધું છે.
હવે ચંદીગઢ મ્યુનિસિપલ કોર્પોરેશનની નંબર ગેમ પણ બદલાઈ ગઈ છે. AAPના ત્રણ કાઉન્સિલરો બીજેપીમાં જોડાયા છે.
Click it and Unblock the Notifications
Sign in with Google
