જમ્મુ કાશ્મીર: સુરક્ષાદળના કેમ્પ પાસે મળ્યુ શંકાસ્પદ બેગ, જમ્મુ-પુંચ હાઇવે બ્લોક

જમ્મુ-કાશ્મીરના જમ્મુ-પૂંચ રાષ્ટ્રીય હાઇ વે પર સુરક્ષા દળો દ્વારા એક શંકાસ્પદ બેગ મળી આવી હતી. પ્રાપ્ત માહિતી અનુસાર ભીંબર ગલીમાં એક શંકાસ્પદ બેગ મળી આવ્યા બાદ સુરક્ષાને ધ્યાનમાં રાખીને રાષ્ટ્રીય ધોરીમાર્ગ પરનો ટ્રાફિક અટકાવી દેવામાં આવ્યો હતો. એક અધિકારીએ નામ ન આપવાની શરતે જણાવ્યું હતું કે લાવારીસ બેગ ભીંબર ગાલીમાં આર્મી કેમ્પની નજીકથી મળી હતી. અત્યારે ટ્રાફિક બંધ કરાયો છે. અધિકારીએ જણાવ્યું હતું કે, આર્મીના જવાનો અને બોમ્બ સ્ક્વોડની ટુકડીને સ્થળ પર મોકલી દેવામાં આવી છે, આ મામલે ધોરણસરની કાર્યવાહી મુજબ કાર્યવાહી કરવામાં આવી રહી છે.

ઉલ્લેખનિય છેકે આ પહેલા પણ ઘણી વખત બેગ, સામન અને બોક્સમાં રાખેલા વિસ્ફોટકોનો ઉપયોગ સુરક્ષા દળોના કાફલા પર હુમલો કરવા માટે કરવામાં આવતો હતો. જમ્મુ, સામ્બા અને કઠુઆ જિલ્લામાં લશ્કરી સ્થળો ઉપર ઓછામાં ઓછા ચાર ડ્રોન ફરતા થયાના એક દિવસ બાદ બેગ મળી હતી. ગત મહિનાની જ તારીખે રાત્રે જ જમ્મુમાં ભારતીય વાયુસેનાના અડ્ડાને વિસ્ફોટકોથી નિશાન બનાવવા માટે ડ્રોનનો ઉપયોગ કરવામાં આવ્યો હોવાથી, 27 જૂનથી આ વિસ્તારમાં ડ્રોનનું વારંવાર ધ્યાન રાખવામાં આવ્યું છે. ડ્રોન એટેકમાં બે જવાન ઘાયલ થયા હતા.

બેગ મળી આવ્યા બાદ સુરક્ષા દળોને આશંકા હતી કે તેમાં આઈડી વિસ્ફોટકો હોઈ શકે છે, જેના પગલે હાઇવે પરનો ટ્રાફિક અટકાવી દેવામાં આવ્યો હતો. નોંધનીય છે કે ભૂતકાળમાં જમ્મુમાં અનેક ડ્રોન ઉડતા જોવા મળ્યા હતા, ત્યારબાદ સુરક્ષા એજન્સીઓ એલર્ટ મોડ પર છે. આ પહેલા ગુરુવારે મોડી રાત્રે જમ્મુ-કાશ્મીરના શ્રીનગરમાં સુરક્ષા દળોએ લશ્કર-એ-તૈયબાના આતંકીઓ સાથે એન્કાઉન્ટર કર્યું હતું, જેમાં બે આતંકવાદીઓ માર્યા ગયા હતા. બાતમીદારને મળેલી માહિતીના આધારે પોલીસ અને સેનાની સંયુક્ત ટીમે શ્રીનગરના દાનમાર વિસ્તારમાં સર્ચ ઓપરેશન જારી કર્યું હતું. આ દરમિયાન, તેઓએ ત્યાં ઘેરો શરૂ કરતાની સાથે જ છુપાયેલા આતંકીઓએ ફાયરિંગ શરૂ કરી દીધુ હતુ.

English summary

Suspicious bag found near security camp, Jammu-Punch highway block