ઉન્નાવ રેપ પીડિતાના મોત પર સ્વાતિ માલીવાલઃ એક મહિનાની અંદર આરોપીઓને ફાંસી આપો
ઉન્નાવ ગેંગરેપ પીડિતાના મોત બાદ દિલ્લી મહિલા પંચના પ્રમુખ સ્વાતિ માલીવાલનુ નિવેદન આવ્યુ છે.
યુપીના ઉન્નાવમાં આગના હવાલે કરવામાં આવેલ રેપ પીડિતાએ શુક્રવારે મોડી રાતે દિલ્લીની સફદરગંજ હોસ્પિટલમાં ઈલાજ દરમિયાન દમ તોડી દીધો. રેપના આરોપીઓ દ્વારા જીવતી સળગાવી દેવાના પ્રયાસ બાદ પીડિતાને ગુરુવારે સાંજે લખનઉથી એરલિફ્ટ કરીને દિલ્લીની સફદરગંજ હોસ્પિટલમાં ભરતી કરવામાં આવ્યા હતા. હજુ હૈદરાબાદમાં મહિલા ડૉક્ટર સાથે હેવાનિયતની ઘટના બાદ દેશમાં ગુસ્સો ઓછો નથી થયો કે ઉન્નાવ ગેંગરેપ પીડિતાના મોતના સમાચારે સભ્ય સમાજને વધુ એક જખમ આપી દીધો. વળી, ઉન્નાવ ગેંગરેપ પીડિતાના મોત બાદ દિલ્લી મહિલા પંચના પ્રમુખ સ્વાતિ માલીવાલનુ નિવેદન આવ્યુ છે.
આરોપીઓને એક મહિનામાં જ ફાંસી આપી દેવી જોઈએઃ સ્વાતિ માલીવાલ
ઉન્નાવ ગેંગરેપ પીડિતાના મોત પર સ્વાતિ માલીવાલે કહ્યુ, ‘હું ઉત્તર પ્રદેશ સરકારને અપીલ કરુ છુ કે આરોપીઓને એક મહિનામાં જ ફાંસી આપી દેવી જોઈએ.' સફદરગંજ હોસ્પિટલના ડૉક્ટરોના જણાવ્યા મુજબ ગેંગરેપ પીડિતાએ મોડી રાતે 11.40 વાગે અંતિમ શ્વાસ લીધા. ડૉક્ટરોની ટીમે કહ્યુ કે પીડિતાને બચાવવાની પૂરી કોશિશ કરવામાં આવી પરંતુ તેને બચાવી શકાઈ નહિ. પીડિતાના મોત બાદ ફરીથી એક વાર મહિલા સુરક્ષા વિશે સવાલ ઉઠવા લાગ્યા છે.
પીડિતાને ઈલાજ માટે દિલ્લી લઈ જવાઈ હતી
પીડિતા રાયબરેલીમાં પોતાની ફોઈના ઘરે રહેતી હતી. ગુરુવારે સવારે 4 વાગે તે ટ્રેન પકડવા માટે બેસવારા બિહાર રેલવે સ્ટશન જઈ રહી હતી. મીરા વળાંક પર ગામના હરિશંકર ત્રિવેદી, કિશોર, શુભમ, શિવમ અને ઉમેશે તે ઘેરી લીધી અને દંડા અને ચાકૂથી વાર કર્યા. આ દરમિયાન જ્યારે તે ચક્કર ખઈને પડી ગઈ તો તેને પેટ્રોલ છાંટીને સળગાવી દીધી. કેસની તપાસ રાયબરેલી પોલિસે કરી હતી અને બંને આરોપી જામીન પર બહાર હતા.
|
ખરાબ રીતે બળી ચૂક્યુ હતુ પીડિતાનુ શરીર
પીડિતા 90 ટકા સુધી બળવા છતાં પણ એક કિલોમીટર સુધી ચાલી હતી. તેણે ખુદ પોલિસને ફોન કર્યો અને આરોપીઓના નામ જણાવ્યા. ત્યારબાદ પોલિસે આરોપીઓને પકડવા માટે શોધ શરૂ કરી. બાદમાં એક એક કરીને બધા આરોપી પકડાઈ ગયા. ગેંગરેપ કરનાર મુખ્ય આરોપી અને તેના દોસ્તને ત્રણ દિવસ પહેલા જ જામીન મળ્યા હતા. પીડિતા કેસની સુનાવણી માટે કોર્ટમાં જઈ રહી હતી ત્યારે જ આ બંનેએ પોતાના ત્રણ સાથીઓ સાથે મળીને તેને જીવતી સળગાવી દીધી.
Click it and Unblock the Notifications
Sign in with Google
