તમિલનાડુમાંથી વધુ બે સટોડિયાની ધરપકડ

By Kumar Dushyant

Published: Friday, May 24, 2013, 16:28 [IST]

ચેન્નઇ, 24 મે: ઇન્ડિયન પ્રીમિયર લીગ (આઇપીએલ)માં તાજેતરમાં સ્પૉટ ફિક્સિંગ કેસમાં નવા ઘટનાક્રમમાં તમિલનાડુ પોલીસે વધુ બે ક્રિકેટ સટોડિયાની ધરપકડ કરી લીધી છે. આ સાથે જ રાજ્યમાંથી અત્યાર સુધીમાંથી સટોડિયાઓની સંખ્યા નવ થઇ ગઇ છે. આ જાણકારી પોલીસે શુક્રવારે આપી હતી. ક્રાઇમ બ્રાંચે બંને ધરપકડ કરેલા વ્યક્તિઓની ઓળખ ઉત્તમ સી જૈન ઉર્ફે કિટ્ટી તથા જસરાજ જૈન ઉર્ફે રાજાના રૂપમાં કરી છે. તેમને ગુરૂવારે ઝડપી પાડવામાં આવ્યાં હતા.

આ અંગે જાહેર કરવામાં આવેલા એક વ્યક્તવ્ય અનુસાર તેમને કોર્ટમાં લઇ જવામાં આવ્યા હતા અને તે સાથે પોલીસ કસ્ટડીમાં મોકલી આપવામાં આવ્યાં છે. પોલીસના અનુસાર ઉત્તમ જૈનની ધરપકડ બાદ તપાસ દરમિયાન સટ્ટેબાજીના આ ધંધા અંગે નવા ખુલાસા થશે.

વકતવ્યમાં કહેવામાં આવ્યું છે કે ધરપકડ કરવામાં આવેલ વ્યક્તિઓ પાસેથી મોબાઇલના ફોનકોલનું વિવરણ તથા ઇલેક્ટ્રોનિક ઉપકરણોની તપાસ કરી રહી છે. આનાથી અમને તેમના સંપર્કીઓ વિશે જાણકારી મેળવવામાં મદદ મળશે. એક અન્ય સટોડિયા સંજય બાફનાની શોધ ચાલુ છે.

Published On May 24, 2013