શાહરૂખ, સચિન વેબ પર સૌથી વધુ પસંદ : ટાઇમ મેગેઝીન
ન્યુયોર્ક, 28 મે : વિશ્વભરમાં જાણીતા મેગેઝીન 'ટાઇમ'ની યાદી અનુસાર ભારતીય ક્રિકેટર સચિન તેંદુલકર અને બોલીવુડ સુપરસ્ટાર શાહરૂખ ખાન દુનિયાની 100 સૌથી વધારે પસંદ કરવામાં આવતી વ્યક્તિઓમાં સામેલ છે.
સૌથી વધારે પસંદ કરવામાં આવતી વ્યક્તિઓમાં અમેરિકાના પૂર્વ રાષ્ટ્રપતિ જ્યોર્જ બુશ ટોચના સ્થાન પર છે. જેમને 65.6 અંક મળ્યા છે. બીજા સ્થાને અમેરિકાના વર્તમાન રાષ્ટ્રપતિ બરાક તેમાં 45.3 આંક ધરાવે છે.
જો કે તેંદુલકર આ યાદીમાં 68મા સ્થાને છે. તેમને 23.98 આંક મળ્યા છે. જ્યારે શાહરૂખ ખાન 22.07 આંક સાથે 99મા ક્રમે છે. પાકિસ્તાનના વડાપ્રધાન નવાઝ શરીફ 98મા ક્રમે છે. જ્યારે કોલંબિયન પોપ સ્ટાર શકીરા 24.03 આંક સાથે તેંદુલકરથી એક સ્થાન ઉપર એટલે કે 67મા સ્થાને છે.
જ્યારે મશહૂર પોપસ્ટાર મેડોના આ યાદીમાં ત્રીજા ક્રમે છે. ચોથા ક્રમે પોપસ્ટાર બિયોન્સે, રશિયન રાષ્ટ્રપતિ પુતિન 27મા ક્રમે, સર્બિયન ટેનિસ પ્લેયર નોવાક જોકોવિચ 61મા ક્રમે, ટેનિસ સ્ટાર મારિયા શારાપોવા 72મા ક્રમે, ફોર્મ્યુલા વન રેસર માઇકલ શૂમાકર 77 મા ક્રમે અને ટૉક શૉ હોસ્ટ ઓપ્રા વિન્ફ્રે 95 મા ક્રમે છે.