નોઇડાના મેળામાં થયો ભયંકર અકસ્માત, 1 મહિલાનુ મોત, 1 ગંભીર
દિલ્હીને અડીને આવેલા યુપીના નોઈડામાં એક દર્દનાક અકસ્માત થયો છે. નોઈડાના સેક્ટર 39 પોલીસ સ્ટેશન વિસ્તારના સદરપુર સોમ બજારમાં આયોજિત મેળામાં ઝૂલતી વખતે એક મહિલાનું મોત થયું હતું. મહિલાનો જીવ ઝૂલા પરથી પડી જવાથી ગયો હતો.
ઝૂલાનો અકસ્માત થતાં જ સમગ્ર વિસ્તારમાં અફરા-તફરીનો માહોલ સર્જાયો હતો. હાલ પોલીસને જાણ થતાં ઘટનાસ્થળે પહોંચીને મામલાની તપાસ શરૂ કરી છે.
મળતી માહિતી મુજબ ઝુલામાં અકસ્માતમાં જીવ ગુમાવનાર મહિલાનું નામ ઉષા હોવાનું કહેવાય છે. શાલુ નામનો યુવક ગંભીર રીતે ઘાયલ થયો હતો, જેને સારવાર માટે ખાનગી હોસ્પિટલમાં દાખલ કરવામાં આવ્યો છે, જ્યાં તેની સારવાર ચાલી રહી છે.
મીડિયા રિપોર્ટ્સ અનુસાર સેક્ટર-39માં મેળામાં ઝૂલામાંથી નીચે ઉતરતી વખતે પડી જતાં મહિલાની ગરદનનું હાડકું તૂટી ગયું હતું. જેના કારણે સદરપુરની રહેવાસી ઉષા (55)નું મોત થયું હતું. જ્યારે મૃતકના સંબંધીના પુત્ર ગભીરને ઈજા થઈ હતી.
માહિતી મળ્યા બાદ પોલીસ ઘટનાસ્થળે પહોંચી હતી અને ઝુલો ચલાવતા બે કામદારોની અટકાયત કરી હતી. પોલીસના જણાવ્યા અનુસાર સોમ બજારમાં સાવન મેળાનું આયોજન કરવામાં આવ્યું હતું, ત્યારે સાસુ-સસરા અને વહુ સહિત અનેક લોકો ઝૂલા પર ઝૂલતા હતા. દરમિયાન ઝુલામાંથી નીચે ઉતરતી વખતે મહિલા અને યુવક ગભરાઈને નીચે પટકાયા હતા. જ્યાં મોડી રાત્રે મહિલાનું સારવાર દરમિયાન મોત નીપજ્યું હતું.
VIDEO | A woman was reported dead after falling from a swing at a fair in Noida. More details are awaited.
— Press Trust of India (@PTI_News) September 6, 2023
(Source: Third Party) pic.twitter.com/l5lpoIOaqm
પોલીસની પ્રાથમિક તપાસમાં જાણવા મળ્યું છે કે મહિલા ઝુલા પરથી નીચે ઉતરતી વખતે લડખડાઇ ગઈ હતી. ઝૂલો તેના સ્થાને પણ પહોંચ્યો ન હતો જ્યારે મહિલાએ ઝુલાનો સેફ્ટી રોડ ખોલ્યો અને ઉતાવળમાં નીચે ઉતરવા લાગી, ત્યારબાદ તેની ગરદન લોખંડના સળિયા સાથે અથડાઈ હતી.
Click it and Unblock the Notifications
Sign in with Google
