ગોવામાં મળ્યો પ્રથમ ઓમિક્રોનનો મામલો, 8 વર્ષનુ બાળક સંક્રમિત
ઓમિક્રોન વેરિઅન્ટનો પહેલો કિસ્સો ગોવામાં સામે આવ્યો છે. યુકેના પ્રવાસેથી પરત ફરેલા 8 વર્ષના છોકરામાં ઓમિક્રોનની પુષ્ટિ થઈ છે. રાજ્યના આરોગ્ય મંત્રી વિશ્વજીત રાણેએ કહ્યું કે તેઓ 17 ડિસેમ્બર, 2021ના રોજ બ્રિટન પરત ફર્યા હત
ઓમિક્રોન વેરિઅન્ટનો પહેલો કિસ્સો ગોવામાં સામે આવ્યો છે. યુકેના પ્રવાસેથી પરત ફરેલા 8 વર્ષના છોકરામાં ઓમિક્રોનની પુષ્ટિ થઈ છે. રાજ્યના આરોગ્ય મંત્રી વિશ્વજીત રાણેએ કહ્યું કે તેઓ 17 ડિસેમ્બર, 2021ના રોજ બ્રિટન પરત ફર્યા હતા. જ્યારે તેની પુણેની નેશનલ ઇન્સ્ટિટ્યૂટ ઓફ વાયરોલોજીમાં તપાસ કરવામાં આવી ત્યારે તેને ઓમિક્રોનથી ચેપ લાગ્યો હોવાની પુષ્ટિ થઈ હતી.
રાણેએ કહ્યું કે રાજ્ય સરકાર કેન્દ્ર દ્વારા સૂચવેલા પ્રોટોકોલનું પાલન કરશે અને ચેપના ફેલાવાને રોકવા માટે વધુ કડક નિયમોનો અમલ કરશે. ગોવાના મુખ્ય પ્રધાન પ્રમોદ સાવંતે પ્રવાસન ક્ષેત્રના હિતધારકોને નાતાલ અને નવા વર્ષની ઉજવણીને ધ્યાનમાં રાખીને ઓમિક્રોન પર વિશેષ સાવચેતી રાખવા જણાવ્યું છે.
ઉલ્લેખનીય છેકે રવિવારે ગોવામાં કોરોનાના 25 નવા કેસ સામે આવ્યા હતા. નવા કેસ સાથે, રાજ્યમાં કુલ કોરોના કેસ વધીને 1,80,050 થઈ ગયા છે, જ્યારે મૃત્યુઆંક વધીને 3,519 થઈ ગયો છે.
Click it and Unblock the Notifications
Sign in with Google
