ચોરી બાદ ચોરોએ દુકાનદાર માટે લખ્યો લવ લેટર, જાણો શું લખ્યું?

ગોંડાઃ સામાન્ય રીતે ચોરીની ઘટનાને અંજામ આપનાર વ્યક્તિ પોતાની પાછળ કોઈ સબૂત નથી છોડતો પરંતુ ધાનપુર પોલીસ સ્ટેશનમાં ચોરી બાદ દુકાનદાર માટે લવ લેટર લખીને પાછળ છોડી જવાનો મામલો સામે આવ્યો છે. કસ્બા બગ્ગીરોડ સ્થિત એક મેડિકલ સ્ટોરમાં ચોરી કર્યા બાદ ચોરે ન માત્ર આઈ લવ યૂ લખીને સ્ટોર સંચાલક પ્રત્યે પોતાનો પ્રેમ દર્શાવ્યો બલકે ચેતવણી આપતા પણ લખ્યું કે તારું આ બધું નુકસાન મેં જ કર્યું છે.

ચોરે લખ્યો લવ લેટર

સ્ટોર સંચાલક જ્યારે દુકાન પર પહોંચ્યા તો તેને ચોરનો લખેલ લવ લેટર મળ્યો જે જોઈ તેના પગ નીચેથી જમીન સરકી ગઈ. સૂચના મળતા જ દુકાનદારે પોલીસ સ્ટેશનમાં ફરિયાદ નોંધાવી છે. પોલીસે તપાસ હાથ ધરી છે. લોકો આ ઘટનામાં સ્ટોર સંચાલકને તેના કોઈ નજીકના જ વ્યક્તિનો હાથ હોવાની આશંકા જતાવી રહ્યા છે.

ચોરે દુકાનમાં રાખેલ સામાન વેરવિખેર કરી નાખ્યો

ધાનેપુર પોલીસ સ્ટેશનના દેવરિયા અલાવલ ગામના રહેનાર અરશદની કસ્બા બગ્ગીરોડમાં મેડિકલ સ્ટોરની દુકાન છે. શનિવારે મોડી સાંજે અરશદ દુકાન બંધ કરીને ઘરે ચાલ્યો ગયો હતો. રાત્રે તેની દુકાનમાં અજ્ઞાત ચોર ઘુસ્યો અને ભારે આરામથી દુકાનમાં લૂંટ ચલાવી. દુકાનમાં રાખેલ દવાઓ વેરવિખેર કરી નાખી. જતી વખતે ચોર મેડિકલ સ્ટોરમાં લવ લેટર લખી રાખી ગયો હતો.

ચોરે લખ્યું આઈ લવ યૂ

ચોરે મેડિકલ સ્ટોર સંચાલકને ન માત્ર આઈ લવ યૂ લખ્યું બલકે ચેતવણી પણ લખી કે ડિયર મેં જ તારી દુકાનમાં ચોરી કરી છે અને તારું બધું નુકસાન પણ મેં જ કર્યું છે. સવારે જ્યારે અરશદ દુકાન પર પહોંચ્યો તો જોઈને તે અવાક થઈ ગયો. અરશદ મુજબ ચોર લગભગ 35 હજાર રૂપિયાનો સામાન ચોરવામાં સફળ થયો. આ મામલે પોલીસે વધુ તપાસ હાથ ધરી છે.

English summary

theif stolen medicines from the shop and left a love letter written by him in gonda