આ ભારતીયે 16 કલાકમાં કર્યું એવું કામ કર્યું, જે બની ગયો વર્લ્ડ રેકોર્ડ

દિલ્હી મેટ્રોએ મંગળવારના રોજ દાવો કર્યો હતો કે, ડીએમઆરસીના એક કર્મચારીએ તમામ મેટ્રો સ્ટેશનો પર સૌથી ઝડપી મુસાફરી કરવાનો ગિનિસ બૂક ઓફ વર્લ્ડ રેકોર્ડ બનાવ્યો છે. તેના સોશિયલ મીડિયા હેન્ડલ પર એક પોસ્ટમાં, દિલ્હી મેટ્રોએ એક મેટ્રો સ્ટેશનના પ્લેટફોર્મ પર ઉભા રહેલા કર્મચારીનો એક ફોટોગ્રાફ શેર કર્યો, જેમાં રેકોર્ડનું અવતરણ હતું.

દિલ્હી મેટ્રોના કર્મચારીએ 16 કલાકમાં બનાવ્યો વર્લ્ડ રેકોર્ડ

DMRCએ લખ્યું કે, 'DMRC કર્મચારી પ્રફુલ સિંહે તમામ મેટ્રો સ્ટેશનોની સૌથી ઝડપી સમય મુસાફરી કરવાનો રેકોર્ડ બનાવ્યો છે, જેના માટે તેમને ગિનિસ વર્લ્ડ રેકોર્ડનું પ્રમાણપત્ર મળ્યું છે. માત્ર 16 કલાક 2 મિનિટમાં 348 કિલોમીટરનું અંતર કાપીને 254 સ્ટેશનોની મુસાફરી કરનાર તેઓ પ્રથમ વ્યક્તિ બન્યા છે. પ્રફુલ્લના આ કાર્ય પર DMRC પરિવારને ગર્વ છે.

DMRC employee Prafull Singh has entered into the Guinness World Records for recording the 'Fastest time to travel to all Metro stations'. This makes him the first person to travel to 254 stations covering 348 kms in just 16 hrs 2 minutes. DMRC family is proud of Prafull's feat. pic.twitter.com/RswgUBgANi

— Delhi Metro Rail Corporation I कृपया मास्क पहनें😷 (@OfficialDMRC) March 15, 2022

પ્રફુલ સિંહે પોતાના વિશે કહ્યું કે...

ગિનીસ વર્લ્ડ રેકોર્ડની વેબસાઈટે પ્રફુલ સિંહની પોસ્ટ શેર કરી છે, જેમાં પ્રફુલ્લએ કહ્યું છે કે, 'હું લાંબા સમયથી દિલ્હી મેટ્રોનો ઉપયોગ કરી રહ્યો છું, તેથી મને બધી લાઈનો વિશે ઘણી જાણકારી છે. મારી યોજના એ હતી કે, મારે કયા સ્ટેશન અને લાઇનથી શરૂઆત કરવી છે અને સમાપ્ત કરવી છે, જેથી કરીને હું સમય પહેલા મારો રેકોર્ડ પૂર્ણ કરી શકું.

English summary

This Indian did such work in 16 hours, which became a world record.