TikTok સેલિબ્રિટી મોહિત મોરની દિલ્હીમાં ગોળી મારીને હત્યા
ટિક્ટોક ઘ્વારા સોશ્યિલ મીડિયા સ્ટાર બનેલા મોહિત મોર નામના યુવકની મંગળવારે હત્યા કરી દેવામાં આવી છે.
ટિક્ટોક ઘ્વારા સોશ્યિલ મીડિયા સ્ટાર બનેલા મોહિત મોર નામના યુવકની મંગળવારે હત્યા કરી દેવામાં આવી છે. મોહિતને ત્રણ અજ્ઞાત લોકોએ ગાડી મારી દીધી છે. 24 વર્ષના મોહિતને ફિટ રહેવાનું પસંદ હતું અને તે તેની સાથે જોડાયેલા વીડિયો પણ શેર કરતો હતો. ટિક્ટોક પર મોહિતની લગભગ 5 લાખ જેટલી ફેન ફોલોવિંગ હતી. નજફગઢના એક જીમમાં જતો, મોહિત સાંજે 5 વાગ્યે એક મિત્રને મળવા માટે નજીકની દુકાન પર ગયો હતો. અહીં તેની હત્યા કરી દેવામાં આવી હતી.
મોહિતની છાતીમાં 13 ગોળીઓ મારી
એક વરિષ્ઠ પોલીસ અધિકારી ઘ્વારા ન્યુઝ એજેન્સી આઇએએનએસ ને જણાવવામાં આવ્યું કે મોહિત દુકાનના સોફા પર બેઠો હતો, ત્યારે બાઈકથી પહોંચેલા ત્રણ લોકો દુકાનમાં ઘુસ્યા અને મોહિત પર સતત ગોળીઓ ચલાવવા લાગ્યા. 13 ગોળીઓ તેની છાતીમાં મારવામાં આવી. આરોપીઓ ભાગતા સીસીટીવી કેમેરામાં ઝડપાઇ ગયા. ત્રણમાંથી 2 આરોપીઓએ હેલ્મેટ પહેરી રાખ્યું હતું. જયારે એક વ્યક્તિનો ચહેરો સીસીટીવીમાં સાફ જોવા મળી રહ્યો છે.
હોસ્પિટલમાં મોહિતને મૃત જાહેર કરવામાં આવ્યો
દુકાનમાં ઘૂસીને મોહિત પર ગોળીઓ ચલાવનાર વ્યક્તિઓ ત્યાંથી ભાગી ગયા, જયારે મોહિત સોફા પર જ ઠાર થયો. મોહિત પર ગોળીઓ ચલાવવામાં આવી ત્યારે તે ફોન પર વાત કરી રહ્યો હતો. મોહિતને જલ્દી જલ્દી હોસ્પિટલ લઇ જવામાં આવ્યો, જ્યાં તેને મૃત જાહેર કરવામાં આવ્યો.
પૈસા અને અંગત દુશ્મનીનો મામલો
પોલીસ મોહિતના ટિક્ટોક કમેન્ટ અને તેના કોલ ડિટેલની તપાસ કરી રહી છે. પહેલી નજરમાં આ મામલો પૈસા અને અંગત દુશ્મનીનો દેખાઈ રહ્યો છે. પોલીસે આઇપીસી ધારાઓ હેઠળ મામલો નોંધી લીધો છે. પોલીસ આરોપીની શોધ કરી રહી છે. મોહિતના પરિવારનો ખબર સાંભળ્યા પછી ખુબ જ ખરાબ હાલ છે.