TMCના સંગઠનમાં મોટો બદલાવ, અભિષેક બેનર્જીને બનાવ્યા નવા રાષ્ટ્રીય સચિવ

તૃણમૂલ કોંગ્રેસે પશ્ચિમ બંગાળ વિધાનસભાની ચૂંટણીમાં ધરખમ જીત નોંધાવી છે. પાર્ટીના બહુમતી બહુમતી બાદ હવે ટીએમસીએ સંગઠનમાં મોટો ફેરબદલ કર્યો છે. તૃણમૂલ કોંગ્રેસ (ટીએમસી) એ શનિવારે સાંસદ અભિષેક બેનર્જીને પાર્ટીના રાષ્ટ્રીય મહામંત્રી તરીકે નિયુક્ત કર્યા છે. ડાયમંડ હાર્બરના લોકસભા સાંસદ અભિષેક બેનર્જી, પશ્ચિમ બંગાળના સીએમ મમતા બેનર્જીના ભત્રીજા છે.

તાજેતરમાં સમાપ્ત થયેલી પશ્ચિમ બંગાળ વિધાનસભાની ચૂંટણીમાં પાર્ટીની શાનદાર જીત બાદ ટીએમસીની કાર્યકારી સમિતિની પ્રથમ બેઠક દરમિયાન આ નિર્ણય લેવામાં આવ્યો હતો. આ બેઠક દરમિયાન ટીએમસીએ પાર્ટીમાં "એક વ્યક્તિ એક પોસ્ટ" ની વ્યૂહરચના લાગુ કરી છે. પરિણામે, અભિષેક બેનર્જી ટીએમસી યુથ વિંગના પ્રભારી પદ છોડશે. હવે આ પદ પર અભિનેત્રી સ્યોની ઘોષની નિમણૂક કરવામાં આવી છે.
જ્યારે પીઢ નેતા કૃણાલ ઘોષની પાર્ટીના પ્રદેશ મહામંત્રી તરીકે નિમણૂક કરવામાં આવી છે. ટીએમસીના સાંસદ કાકોલી ઘોષ દસ્તીદારને પાર્ટીના મહિલા મોરચાના પ્રમુખ તરીકે નિયુક્ત કરવામાં આવ્યા છે, જ્યારે સાંસદ ડોલા સેન હવે ભારતીય રાષ્ટ્રીય તૃણમૂલ ટ્રેડ યુનિયન કોંગ્રેસના રાષ્ટ્રીય અધ્યક્ષ છે. આ દરમિયાન પક્ષના દિગ્ગજ નેતા પૂર્ણેન્દુ બોઝને ટીએમસીની ખેડુત વિંગના પ્રમુખ બનાવવામાં આવ્યા છે.
બીજી તરફ, બંગાળને જીત્યા બાદ, ટીએમસીએ હવે ખેડૂત નેતા રાકેશ ટીકૈતને બંગાળ આવવાનું આમંત્રણ આપ્યું છે. પાર્ટીએ 9 જૂને રાકેશ ટીકૈતને પશ્ચિમ બંગાળ આવવાનું આમંત્રણ આપ્યું છે. મુખ્યમંત્રી મમતા બેનર્જીએ રાકેશ ટીકૈતને બંગાળ બોલાવ્યા છે અને ખેડૂત આંદોલનની ભાવિ વ્યૂહરચના નક્કી કરવાની વાત કરી છે. તમને જણાવી દઈએ કે રાકેશ ટીકૈતે નંદીગ્રામમાં ચૂંટણી પ્રચાર કર્યો હતો.

English summary

TMC: Abhishek Banerjee appointed new National Secretary