Click it and Unblock the Notifications
Just In
-
-
-
-
Don't Miss
-
WhatsApp પર હવે નંબર સેવ કર્યા વગર થશે કોલ, મળશે આ નવી સુવિધા -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
Atal Bihari Vajpayee Jayanti: આજે અટલ બિહારી વાજપેયીની જન્મજયંતિ, PM મોદી સહિત અને નેતાઓએ આપી શ્રદ્ધાંજલિ
અટલ બિહારી વાજપેયીના સંમાધી સ્થળ પર વડાપ્રધાન મોદીએ ભાજપનો પાયો નાખનાર અટલજીને શ્રદ્ધાંજલિ આપી હતી. આ દરમિયાન તેમની સાથે કેન્દ્રીય ગૃહ મંત્રી અમિત શાહ અને રક્ષા મંત્રી રાજનાથ સિંહ પણ હાજર રહ્યા હતા.
Atal Bihari Vajpayee Jayanti : આજે એટલે કે 25 ડિસેમ્બરના રોજ ભારતના પૂર્વ વડાપ્રધાન અટલ બિહારી વાજપેયીની 98મી જન્મજયંતિ છે. ભારતીય જનતા પાર્ટી દ્વારા સમગ્ર દેશમાં અટલ જીની જન્મજયંતિ સુશાસન દિવસ તરીકે ઉજવવામાં આવે છે.
વડાપ્રધાન નરેન્દ્ર મોદીએ રવિવારની સવારે 'સદૈવ અટલ' પર પહોંચીને પૂર્વ વડાપ્રધાનને શ્રદ્ધાંજલિ આપી હતી. આ સાથે રાષ્ટ્રપતિ દ્રૌપદી મુર્મુ, ઉપરાષ્ટ્રપતિ જગદીપ ધનખરે પણ દેશના પૂર્વ વડાપ્રધાન અને ભારતરત્ન અટલ બિહારી વાજપેયીને શ્રદ્ધાંજલિ આપી હતી.
કેન્દ્રીય ગૃહ પ્રધાન અમિત શાહ, સંરક્ષણ પ્રધાન રાજનાથ સિંહ, ભાજપ અધ્યક્ષ જેપી નડ્ડા અને અન્ય કેન્દ્રીય મંત્રી અને નેતાઓએ પણ અટલ બિહારી વાજપેયીને 'સદૈવ અટલ' પર શ્રદ્ધાંજલિ આપી હતી. સમાધિ પર જ આયોજિત શ્રદ્ધાંજલિ સભામાં અનુપ જલોટા દ્વારા અટલજીના પ્રિય ભજનો ગાવામાં આવ્યા હતા.
|
ભાજપ દ્વારા અટલ જયંતિની મોટા પાયે ઉજવણી કરાશે
સમગ્ર દેશના તમામ બૂથ પર ભાજપ દ્વારા અટલ જયંતિની મોટા પાયે ઉજવણી કરવામાં આવી રહી છે, જેમાં પૂર્વ વડાપ્રધાનની કવિતાઓ પર આધારિત કાવ્યાંજલિ કાર્યક્રમોનું આયોજન કરવામાં આવી રહ્યું છે. ઉલ્લેખનીય છે કે, વડાપ્રધાન નરેન્દ્ર મોદીની 'મન કી બાત' પણ આજે પ્રસારિત થશે.
ભાજપના વરિષ્ઠ નેતાઓ, મંત્રીઓ, સાંસદો અને ધારાસભ્યો પોતપોતાના વિસ્તારોમાં જનતા વચ્ચે રહીને વડાપ્રધાન મોદીના 'મન કી બાત' કાર્યક્રમને સાંભળશે.
અટલ જયંતિ પ્રસંગે ઉત્તર પ્રદેશની યોગી આદિત્યનાથ સરકાર 'સંકલ્પ અટલ, હર ઘર નલ કા જલ' અભિયાન હેઠળ રાજ્યના 98,000 ઘરોને નળ કનેક્શન ભેટ કરશે.
|
'ગુડ ગવર્નન્સ ડે' પર આપ સૌને શુભેચ્છાઓ
મુખ્યમંત્રી યોગી આદિત્યનાથે પણ પૂર્વ વડાપ્રધાનને તેમની 98મી જન્મજયંતિ પર શ્રદ્ધાંજલિ આપતા ટ્વીટ કર્યું છે કે, 'મૂલ્યો અને આદર્શોનીરાજનીતિના શોધક, ઉગ્ર વક્તા, ઉત્તમ કવિ, પૂર્વ વડાપ્રધાન, 'ભારત રત્ન' અટલ બિહારી વાજપેયીને તેમની જન્મજયંતિ પર નમ્ર શ્રદ્ધાંજલિ તમારું ઋષિપૂર્ણ જીવન રાષ્ટ્રના તમામ ઉપાસકો માટે પ્રેરણારૂપ છે. 'ગુડ ગવર્નન્સ ડે' પર આપ સૌને શુભેચ્છાઓ.
ઉલ્લેખનીય છે કે, અટલ બિહારી વાજપેયીનો જન્મ 25 ડિસેમ્બર, 1924ના રોજ ગ્વાલિયરમાં થયો હતો. વિદ્યાર્થીકાળથી જ તેમને રાજકીયપ્રવૃત્તિઓમાં ઊંડો રસ હતો.
અટલ બિહારી વાજપેયીએ બ્રિટિશ શાસન સામે 1942ના ભારત છોડો આંદોલનમાં ભાગ લીધો હતો અને જેલમાંપણ ગયા હતા. ગ્વાલિયરથી શાળા અભ્યાસ અને કોલેજ કરી હતી. અટલ બિહારી વાજપેયી ગ્વાલિયરની વિક્ટોરિયા કોલેજમાંથી સ્નાતકથયા હતા.
|
મરણોત્તર ભારત રત્ન એનાયત કરવામાં આવ્યો
અટલ બિહારી વાજપેયીએ તેમના પિતા સાથે કાનપુરની ડીએવી કોલેજમાંથી કાયદાનો અભ્યાસ કર્યો હતો. બંને એક જ ક્લાસમાં ભણતાહતા અને હોસ્ટેલમાં એક જ રૂમમાં રહેતા હતા. વર્ષ 2018માં 16 ઓગસ્ટના રોજ તેમનું અવસાન થયું હતું.
આદર્શ રાજનેતા તરીકે જાણીતાઅટલ બિહારી વાજપેયી પહેલા વડાપ્રધાન હતા, જેમણે 26 રાજકીય પક્ષો સાથે સરકાર બનાવી હતી. વર્ષ 2014માં અટલ બિહારી વાજપેયીઅને પંડિત મદન મોહન માલવીયને મરણોત્તર ભારત રત્ન એનાયત કરવામાં આવ્યો હતો.
|
ચાર અલગ-અલગ રાજ્યોમાંથી ચૂંટણી જીતી
જે બાદ મોદી સરકારે અટલ બિહારી વાજપેયીની જન્મજયંતિને ભારતમાં સુશાસન દિવસ તરીકે ઉજવવાની જાહેરાત કરી હતી. આ દિવસનીઉજવણીનો હેતુ નાગરિકો અને ખાસ કરીને વિદ્યાર્થીઓને દેશમાં પારદર્શક અને જવાબદાર વહીવટ બનાવવાની સરકારની પ્રતિબદ્ધતાથીવાકેફ કરવાનો છે.
અટલ બિહારી વાજપેયી ભારતીય રાજકારણના એકમાત્ર એવા નેતા છે, જેમણે ચાર અલગ-અલગ રાજ્યોમાંથી ચૂંટણીજીતીને લોકસભામાં પહોંચવાનું ગૌરવ મેળવ્યું છે.
અટલ બિહારી વાજપેયીએ લોકસભામાં ઉત્તર પ્રદેશ, ગુજરાત, મધ્ય પ્રદેશ અને દિલ્હીનું પ્રતિનિધિત્વ કર્યું હતું. 'ગુડ ગવર્નન્સ'ના આ અડગકારીગરે વડાપ્રધાન તરીકેની જવાબદારી સંભાળતાની સાથે જ સ્વરાજને સૂરજમાં રૂપાંતરિત કરવાની પ્રતિજ્ઞા લીધી હતી.
અટલ બિહારીવાજપેયીને ભારતીય રાજકારણમાં નૈતિકતાના ઉચ્ચ માપદંડો સ્થાપિત કરનારા શિખર વ્યક્તિ તરીકે સદૈવ યાદ કરવામાં આવશે.
