Toll Tax Scam: દુર્ગેશ પાઠકે કહ્યુ - ભાજપ નેતાઓને બચાવી રહ્યા છે ઉપરાજ્યપાલ

હવે આપ ધારાસભ્ય દુર્ગેશ પાઠકે એલજી પર ભાજપ નેતાઓને બચાવવાનો આરોપ લાગ્યો છે.

નવી દિલ્લીઃ દિલ્લીના એલજી વીકે સક્સેના દ્વારા હાલમાં જ વિજળી સબસિડી ચૂકવણીમાં અનિયમિતતાને લઈને તપાસના આદેશ આપ્યા છે. ત્યારબાદ હવે ઉપ મુખ્યમંત્રી મનીષ સિસોદિયાએ પત્ર લખીને છ હજાર કરોડ રુપિયાના ટોલ ટેક્સ કૌભાંડની સીબીઆઈ તપાસની માંગ કરી છે. હવે આપ ધારાસભ્ય દુર્ગેશ પાઠકે એલજી પર ભાજપ નેતાઓને બચાવવાનો આરોપ લાગ્યો છે.

વિજયાદશમીની શુભકામનાઓ સાથે કરી શરુઆત

ઉપ સીએમ મનીષ સિસોદિયાએ પત્રની શરૂઆતમાં એલજી વીકે સક્સેનાને વિજયાદશમીની શુભેચ્છા પાઠવી હતી અને કહ્યુ હતુ કે 'એમસીડીમાં ભાજપના 6000 કરોડના ટોલ કૌભાંડની સીબીઆઈ તપાસ માટે એલજી સાહેબને બે મહિના પહેલા ભલામણ કરવામાં આવી હતી. પરંતુ ભાજપના આ કૌભાંડ પર એલજી સાહેબ મૌન છે. મે તેમને ફરીથી વિનંતી કરી છે કે નકલી આરોપોમાં અમારી તપાસ કરાવતા રહો પરંતુ આના લીધે વાસ્તવિક કૌભાંડોથી દૂર ન રહેતા.'

આપ ધારાસભ્ય દુર્ગેશ પાઠકે પ્રેસ કૉન્ફરન્સમાં ઉઠાવ્યા સવાલ

આપ ધારાસભ્ય દુર્ગેશ પાઠકે પ્રેસ કૉન્ફરન્સ કરીને એલજી વીકે સક્સેના પર ભાજપ નેતાઓને બચાવવાનો આરોપ લગાવ્યો હતો. આપ ધારાસભ્યએ કહ્યુ કે ટોલ વસૂલાત માટે 1200 કરોડનુ ટેન્ડર કરવામાં આવ્યુ હતુ. એક મહિને કંપનીએ પૈસા આપ્યા બાદમાં તેઓ કોર્ટમાં ગયા. 1200 કરોડનુ ટેન્ડર ફરી થયુ પછી એ જ કંપનીને ઓછા પૈસામાં ટેન્ડર અપાયુ. કુલ 6000 કરોડનો ભ્રષ્ટાચાર થયો હતો. એલજીને ઓગસ્ટમાં આ કૌભાંડની જાણકારી આપવામાં આવી હતી જેમાં અત્યાર સુધી કંઈ થયુ નથી.

English summary

Toll Tax Scam: LG saving BJP leaders says Durgesh Pathak