ઉદ્ધવે રાજ ઠાકરે સાથે સુલેહની શક્યતા નકારી

મુંબઇ, 28 મે : મહારાષ્ટ્ર નવનિર્માણ સેનાના વડા અને પોતાના પિતરાઈ ભાઈ રાજ ઠાકરેને શિવસેના-ભાજપ-આરપીઆઈના જોડાણમાં સામેલ કરવા માટે ભારતીય જનતા પાર્ટી અને રીપબ્લિકન પાર્ટી ઓફ ઈન્ડિયા (આરપીઆઈ)ના નેતાઓના પ્રયાસો પર શિવસેનાના પ્રમુખ ઉધ્ધવ ઠાકરેએ ઠંડું પાણી ફેરવી દીધું છે. તેમણે કહ્યું છે કે મહારાષ્ટ્રની જનતા જ આ ઈચ્છતી નથી.

ઉધ્ધવે પાર્ટીના મુખપત્ર સામના અખબારમાં તંત્રીલેખમાં લખ્યું છે કે લોકો ચૂંટણીમાં કોંગ્રેસને હરાવવા ઈચ્છે છે. તેમ છતાં તેઓ સ્વાદવિહોણી ખીચડી પણ ઈચ્છતા નથી. એમને સ્થિર સરકાર જોઈએ છે અને શિવસેનાની આગેવાની હેઠળના જોડાણમાં તેવી સરકાર આપવાની ક્ષમતા છે.

‘નીતિન ગડકરી, ગોપીનાથ મુંડે, દેવેન્દ્ર ફડનવીસ અને હવે રામદાસ આઠવલેએ મનસેને અમારા ભવ્ય જોડાણમાં સામેલ કરવાનું આમંત્રણ આપ્યું છે, પણ અમારા ત્રણ પક્ષનું જોડાણ સરસ રીતે કામ કરી રહ્યું છે અને એમાં ચોથા પક્ષનો ઉમેરો કરવાની કોઈ જરૂર નથી,' એમ ઉધ્ધવે વધુમાં લખ્યું છે. ઉધ્ધવે ગડકરી અને આઠવલેને સલાહ આપી છે કે તમે પહેલાં તમારું ઘર સંભાળો.

English summary

Uddhav rejects possibility of reconciliation with Raj Thackeray.