UPએ વાઇબ્રન્ટ ગુજરાત સમિટ 2013માં પાર્ટનર બનવાનું નકાર્યું

લખનૌ, 31 ડિસેમ્બર : ગુજરાત સરકાર વાઇબ્રન્ટ ગુજરાત સમિટ 2013ને સફળ બનાવવા માટે જોર શોરથી તૈયારી કરી છે. આ દરમિયાન ગુજરાત સરકારે આ સમિટમાં પાર્ટનર તરીકે જોડાવા માટે ભારતના વિવિધ રાજ્યોને આમંત્રણ પાઠવ્યા હતા. તેમાંથી ઉત્તર પ્રદેશ સરકારે તે માટે સ્પષ્ટ ના કહી છે.

ઉત્તર પ્રદેશે નરેન્દ્ર મોદીની સરકારે પાઠવેલા વાઇબ્રન્ટ ગુજરાત ઇન્વેસ્ટર સમિટ 2013માં ભાગીદાર બનવાના આમંત્રણને નકારી દીધું છે. ગાંધીનગરના મહાત્મા મંદિર ખાતે 11થી 13 જાન્યુઆરી દરમિયાન યોજાનારી સમિટનો હેતુ ગુજરાતની શક્તિ, વિકાસને ગતિ આપનારી નીતિઓસ નવતર પ્રયાસો અને રોકાણકારો માટે અનુકૂળ માહોલ જેવી ખાસિયતોને દર્શાવીને રોકાણ આકર્ષવાનો હેતુ ધરાવે છે.

આ અંગે ઉત્તર પ્રદેશના અધિકારીઓએ જણાવ્યું કે "અમે ગુજરાત સરકારનું આમંત્રણ નકાર્યું છે તેનું એક માત્ર કારણ એ જ છે કે વાઇબ્રન્ટ ગુજરાત સમિટ 2013માં જે પણ બિઝનેસ હાઉસ ભાગ લેશે તેમનું ધ્યાન રોકાણ માટે આકર્ષક રાજ્ય તરીકે ઉભરી રહેલા ગુજરાત પર કેન્દ્રિત હશે. ભૂતકાળની સમિટોમાં ભાગ લેનારા રાજ્યોનો અનુભવ છે કે તેમને પ્રાથમિકતા આપવામાં આવતી નથી."

આથી હવે ઉત્તર પ્રદેશ એક નિરીક્ષક તરીકે હાજરી આપશે. તેમના અધિકારીઓ સમિટ યોજાય તે અગાઉ હાજર રહેશે અને અનુભવ મેળવશે. આ અનુભવનો ઉપયોગ ઉત્તર પ્રદેશના અધિકારીઓ કન્ફેડરેશન ઓફ ઇન્ડિયન ઇન્ડસ્ટ્રી (સીઆઇઆઇ) સાથેની ભાગીદારીમાં 27થી 29 જાન્યુઆરી, 2013 દરમિયાન આગ્રામાં યોજાનારી ગ્લોબલ પાર્ટનરશિપ સમિટમાં કરશે.

આ ઉપરાંત યુપી રૂપિયા 5 કરોડના ખર્ચે ઇન્વેસ્ટમેન્ટ પ્રમોશન માટે કોઇ જગ્યા રાખીને પ્રમોશન પણ કરશે નહીં. જો કે કાર્પેટ અને ચર્મ ઉદ્યોગ પોતાના ઉત્પાદનોને નિ:શુલ્ક પ્રદર્શિત કરશે.

English summary

UP declined to become partner in Vibrant Gujarat Summit 2013.