સપાના નેતાઓએ જીતની ખુશીમાં ખુલ્લેઆમ કર્યું ફાયરિંગ

લખનઉ, 22 જાન્યુઆરી: ઉત્તર પ્રદેશના નવા જીલ્લા શામલીમાં જિલ્લા પંચાયતની ચુંટણીમાં જીત મેળવ્યા બાદ સમાજવાદી પાર્ટીના નેતા અને કાર્યકર્તાઓએ કાયદાને નેવે મૂકી વિજય સરઘસ દરમિયાન સમાજવાદી પાર્ટીના કાર્યકર્તાઓએ ખુલ્લેઆમ ફાયરિંગ કર્યું હતું. આટલું જ નહી સમાજવાદી પાર્ટીના કેટલાક તોફાની તત્વોએ એએસપીની ગાડી પર કબજો કરી વિજય સરઘસમાં સામેલ કરી દિધી હતી. આ તોફાની તત્વો આગળ પોલીસ નમાલી સાબિત થઇ હતી. શામલીમાં એસપીના નેતા મનીષ ચૌહાણની જીતની ખુશીમાં વિજય સરઘસ કાઢવામાં આવ્યું હતું.

સમાજવાદી પાર્ટીમાં મંત્રી રહી ચૂકેલા વીરેન્દ્ર સિંહના પુત્ર મનીષ ચૌહાણે જિલ્લા પંચાયતની ચુંટણીમાં જીત પ્રાપ્ત કરી હતી. ખશી વ્યક્ત કરવા માટે એસપી નેતાઓ એકાએક હવામાં ફાયરિંગ કરવા લાગ્યાં હતા. સમાજવાદી પાર્ટીના નેતાઓની દંબગઇ આગળ પોલીસે હથિયાર મૂકી દિધા હતા.

પોલીસે કાર્યવાહીના નામે બસ એટલું જ કર્યું છે કે વિજય સરઘસમાં સામેલ એક ગાડીને ઝડપીને તેમાંથી એક રાયફલ અને બંદૂકને જપ્ત કરી લીધી છે અને આગળની કાર્યવાહી માટે દાવો કરી રહી છે. અત્રે ઉલ્લેખનીય છે કે આ કોઇ પ્રથમ બનાવ નથી કે કોઇ સમાજવાદી પાર્ટીના નેતાએ પોતાની દંબગાઇ જાહેર કરી હોય. ગત વર્ષોમાં આવા કેટલાય બનાવો સામે આવ્યાં છે. મુખ્યમંત્રી અખિલેશ યાદવે પોતાની પાર્ટીના નેતાઓની કરતૂતો અંગે જાણ છે પણ પરંતુ દર વખતે કડક કાર્યવાહીનો વિશ્વાસ જાહેર કરી કેસ ટાળી દે છે.

English summary

A Samajwadi Party leader and his supporters opened fire after winning the panchayat elections in Shamli district of Uttar Pradesh.,