અમેરિકા કરશે ઉત્તરાખંડને 150,000 ડોલરની મદદ

નવી દિલ્હી, 24 જૂન : ઉત્તરાખંડનમાં રાહત કાર્યો માટે 150,000 ડોલર (90 લાખ રૂપિયા)ની અમેરિકન સહાયતા મળશે. આ અંગેની જાણકારી ભારતમાં અમેરિકાના રાજદૂત નેન્સી જે. પોવેલએ આપી. વરસાદ અને પૂરથી સંપૂર્ણરીતે પ્રભાવિત રાજ્યને સહાયતા સંયુક્ત રાજ્ય એજેન્સી ફોર ઇન્ટરનેશનલ ડેવલપમેન્ટના માધ્યમથી આપવામાં આવશે.

એક અધિકૃત નિવેદનમાં કહેવાયું છે કે 'આ સમર્થનથી રાજ્યના દૂરદૂરના વિસ્તારોમાં રહેનારા પરિવારોને રાહત પેકેજ પૂરૂં પાડવામાં આવશે.' પૉવેલે અમેરિકન જનતાની તરફથી આ કૂદરતી આફતમાં માર્યા ગયેલા અને ભૂસ્કલનથી રાજ્યમાં ઘરવિહોણા થયેલા લોકો પ્રત્યે સંવેદના પણ વ્યક્ત કરી.

અત્રે ઉલ્લેખનીય છે કે દેશના તમામ રાજ્યો પૂર પીડિતો અને ઉત્તરાખંડની સાથે ઉભું છે, તેમજ તેને ફરી બેઠું કરવા માટે તેના પડખે ઉંભું છે. અખિલેશ સરકારે ઉત્તરાખંડને 25 કરોડ રૂપિયાની સહાયતા કરી છે. છત્તીસગઢે 5 કરોડની સહાયતા જાહેર કરી છે, જ્યારે કેન્દ્ર સરકારે 1 હજાર કરોડના રાહત પેકેજની જાહેરાત કરી છે. જ્યારે ગુજરાત સરકારે પણ 2 કરોડ રૂપિયાના રાહત પેકેજની જાહેરાત કરી છે તેમજ કેદારનાથ મંદિરના જીર્ણોદ્ધાર માટેનો પ્રસ્તાવ પણ મૂક્યો છે.

ઉત્તરાખંડ પૂરના કારણે હજારો લોકો હજી પણ ફસાયા છે અને આજે વરસાદના પગલે રાહત અને બચાવ કામગીરીમાં વિક્ષેપ પડ્યો છે.

English summary

US announce 150000 dollars relief fund to uttarakhand.