બેશરમ પોલીસઃ યુપીમાં રેપ પીડિતાનો ઉડાવી મજાક
કિસ્સો દેવરિયાનો છે. જ્યાં એક રેપ પીડિતા જ્યારે પોલીસમાં પોતાની સાથે થયેલા અત્યાચાર વિરુદ્ધ કેસ દાખલ કરાવવા ગઇ તો તેની મદદ કરવાના બદલે પોલીસે તેની મજાક ઉડાવી હતી. માહિતી અનુસાર ગામના જ એક દબંગે એક મહિલા સાથે બળાત્કાર કર્યો હતો. જ્યારે તે હિંમત એકઠી કરીને તેની વિરુદ્ધ ફરિયાદ દાખલ કરાવવા ગઇ તો ત્યાંના એએસપીએ ફરિયાદ દાખલ કરવાના બદલે બધાની વચ્ચે મહિલાની મજાક ઉડાવવાની શરૂ કરી દીધી.
દેવરિયાના એએસપી કેશવ ચંદ્ર ગોસ્વામીએ બધાની સામે મહિલાને એવા પ્રશ્નો કર્યા કે જેને સાંભળીને કોઇને પણ શરમ આવી જાય. પીડિત મહિલાની એફઆઇઆર દાખલ કરવના બદલે એએસપી તેને ત્યાં જ પ્રશ્નો કરવા લાગ્યા. તેની ઉંમરને લઇને કહ્યું કે, તે બે બાળકોની માતા છે, તેની ઉંમર થઇ ગઇ છે, તેની સાથે કોણ બળાત્કાર કરશે. તેમણે મહિલા પર ખોટુ બોલવાનો આરોપ લગાવીને ફરિયાદ દાખલ કરવાની ના પાડી દીધી. દેવરિયાના એએસપી દ્વારા મહિલા સાથે આ રીતે વર્તન કરવામાં આવ્યા બાદ રાષ્ટ્રીય મહિલા આયોગના અધ્યક્ષ મમતા શર્માએ આરોપી એએસપીને સસ્પેન્ડ કરવાની માંગ કરી છે.
Click it and Unblock the Notifications
Sign in with Google
