યુપી: લગ્નના બીજા જ દિવસે ઝાડ પર લટકેલા મળ્યા પતિ-પત્ની
પોલીસના ઉચ્ચ અધિકારીઓના અનુસાર મૃતક નાગેન્દ્ર રામપુર કારખાના વિસ્તારમાં વિછુઆ ગામના નિવાસી તથા મૃતકા સંગીતા ફરેના ગામના નિવાસી હતી. બંનેના લગ્ન ગત મેના રોજ થયા હતા. આ ઘટના બાદ ગામમાં ભયનો માહોલ છે. તો બીજી તરફ પોલીસ તેને ઑનર કીલિંગના કેસ સાથે જોડીને જુએ છે. પોલીસનું કહેવું છે કે પ્રેમ પ્રસંગના લીધે બંનેને મારીને કદાચ ઝાડ પર લટકાવી દેવામાં આવ્યા હતા.
અત્રે ઉલ્લેખનીય છે કે તાજેતરમાં જ યુપીમાં મહિલાઓ વિરૂદ્ધ ઉત્પીડનના ઘણા કેસ સામે આવ્યા છે. યુપીના બદાયૂ જિલ્લામાં તાજેતરમાં જ બે બહેનો સાથે ગેંગરેપ ગુજારી તેમને ઝાડ પર લટકાવી દેવાનો કિસ્સો સામે આવ્યો છે. ઉસહૈત પોલીસ ક્ષેત્રના કટરા ગામમાં 14 અને 15 વર્ષની બે કાકાની બહેનો રાત્રે શૌચ કરવા માટે ગામની બહાર ગઇ હતી. તેમના ઘરે પરત ન ફરવા પર પરિજને રાતભર તેમની શોધ કરી. સવારે એક બગીચામાં કેરીના ઝાડ પરથી બે છોકરીઓની લાશ લટકેલી જોવા મળી. આ મુદ્દે રાજકીય વર્તુળને હચમચાવી મુક્યું છે.